رێژا (50 + 1) و زه‌نگا مه‌ترسیێ !!!

هه‌ر ژ روونشتنا 23/6 پروسا سیاسی ل هه‌رێما كوردستانێ چو د قوناغه‌كا دی دا هه‌ر چه‌نده‌ ژ لایه‌كی ڤه‌ تشته‌كێ نورماله‌ به‌لكو پروسا سیاسی و ئالوگوركرنا ده‌ستهه‌لاتێ ببێته‌ جهێ پتر خزمه‌تكرنا خه‌لكی!!! به‌لێ ژ لایه‌كێ دیڤه‌ زه‌نگه‌كا مه‌ترسیێ یه‌ كو ئێدی هه‌رێما كوردستانێ د بازنه‌كێ به‌تالدا بزڤریت و هه‌ر لایه‌نه‌كێ شیا رێژا قانوونی ل په‌رله‌مانی په‌یداكه‌ت ب هه‌ر ره‌نگه‌كی بیت لایه‌نێت دی فه‌راموش بكه‌ت و قانوونا ده‌ربكه‌ت بو تولڤه‌كرنێ ژ لایه‌نێت دی و بڤی ره‌نگی هه‌رێم د مژویلی ڤان ململانێت نافخو بیت و ده‌ره‌فتێن نه‌ته‌وه‌یی و گه‌هشتن بمافێن خو ژ ده‌ست بده‌ت و ب ساناهی ژ ده‌رناكه‌ڤیت چونكی ئه‌جنده‌ و ده‌ستێن ده‌ره‌كی دزورن د ناف كوردستانێ دا و ب چ ره‌نگا ناهێلن كورد مفایی ژ ڤان كاودانێن نوكه‌ روژهه‌لاتا ناڤین تێدا دبوریت وه‌رگرن و بگه‌هنه‌ مافێن خو!!!
له‌ورا دبێژین ئه‌ڤا ل په‌رله‌مانێ كوردستانێ چێبوی ب هه‌می پیڤه‌را كوده‌تا بو دژی پارتی و به‌رنامه‌ بو هاتیه‌ دارێتن و دانوستاندنێن نوكه‌ دهێنه‌ كرن بتنێ ده‌م كوشتنه‌ دا پتر نێزیكی جێبه‌جێكرنا پروژێ خو ببن ئه‌وژی ب دوماهیك هاتنا ماوێ قانوونی یێ سه‌روكاتیا هه‌رێمێ یه‌ چونكی نه‌ چ لایه‌نا به‌ربژێر هه‌نه‌ و نه‌ قانوون هاتیه‌ هه‌مواركرن و ئه‌ڤه‌ باشترین ده‌لیڤه‌یه‌ بو هه‌ر چار لایه‌نێن دی كو بو قوناغا ل دویفدا كونترولكرنا ده‌ستهه‌لاتێ بكه‌ن ئه‌و ژی هه‌لوه‌شاندنا حكومه‌تێ و دروستكرنا حكومه‌ته‌كا دوم كورت ژڤان هه‌ر چوار لایه‌نا و پارتی ببیته‌ ئوپزسیون !!!
ئه‌گه‌ر ئه‌م لبیرا خو بینین ده‌مێ دانوستاندنێت دروستكرنا حكومه‌تێ چه‌ندین جارا برێیا ده‌زگه‌هێن راگه‌هاندنێ ئه‌ف بیروكه‌ هاتیه‌ ئازراندن به‌لێ تا به‌رنامه‌ بو نه‌هاتیه‌ دارێتن و ب وی ره‌نگێ مه‌ دیتی نه‌شیان جێبه‌جێكه‌ن ئه‌ڤه‌ ئه‌گه‌ر ئه‌م بزانین كو وه‌زاره‌تا پێشمه‌رگه‌یی یاف بزاڤا گوران و وه‌زاره‌تا نافخو ل ده‌مه‌كێ كورت دا دَ ئێكه‌تی وه‌رگرن لدویف وێ رێكه‌فتنا د ناڤبه‌را پارتی و ئێكه‌تێدا هاتیه‌ كرن كو دوو سال ب دوو سال برێڤه‌ ببه‌ن!! و بڤی ره‌نگی ده‌ستهه‌لاتا پارتی پتر د لاواز بیت !!!
هه‌ر چه‌نده‌ ئه‌ڤێ یه‌كێ ژ لایێ قانوونی ڤه‌ و رێژا په‌رله‌مانی چ به‌ربه‌ست نینن به‌لێ ئه‌ف چه‌نده‌ ل واقعی زورا بزحمه‌ته‌ بێته‌ كرن دژی پارتی به‌لێ چونكی پیلانن ده‌ره‌كی دزورن و دمه‌زنن و بتایبه‌ت دژی پارتی و چونكی هه‌رێمێ چو دادگه‌هێن بالا نینن كو بریارێن حكومه‌تێ و په‌رله‌مانی تێدا بهێنه‌ تانكرن و راستڤه‌كرن ئان هه‌لوه‌شاندن له‌ورا پێشبینیا زور كێشه‌ و گرفت و قه‌یرانێن دی دهێته‌ كرن و دهێته‌ چاڤه‌رێكرن كو به‌ری لایه‌نێن دی پروژێ خو بشێن جێبه‌جێكه‌ن پارتی بریارا دووباره‌ پارڤه‌كرنا پوستا بكه‌ت هه‌ر لایه‌نك لدویف رێژا كورسیكا نه‌ به‌س ل هه‌رێمێ به‌لكو ل به‌غدا ژی!! و شله‌ژانه‌ك بكه‌ڤیته‌ پروسا سیاسی ل هه‌رێمێ و ژێ نه‌ ده‌ركه‌ڤیت تا دووباره‌ هه‌لبژارتن د هێنه‌ كرن و بڤی ره‌نگی هه‌رێم د زور ده‌لیڤا ژ ده‌ست ده‌ت و قه‌یران دبه‌رده‌وام بن تا هه‌لبژارتن دهێنه‌ كرن!!!! له‌ورا هیڤی دكه‌ین كو ئه‌ف قوناغا هه‌ستیار و یا پری مه‌ترسی بكێمترین زه‌ره‌ر و زیان ل سه‌ر هه‌رێمێ دا ده‌رباز بیت و نه‌بیته‌ ئاسته‌نگ كو بو چه‌ندین سالێن دی دویر بكه‌ڤین ژ مافێن خو یێن نه‌ته‌وه‌یی !!

کۆمێنتا تە