رێڤه‌به‌رێ گشتی یێ بازرگانیێ ل هه‌رێمێ:گرتنا خالێن توخیبی چ كارتێكرنێ ل سه‌ر كێم بوونا كه‌ل و په‌لان و بهایان ناكه‌ت
ئه‌ڤرۆ نیوز:
رێڤه‌به‌رێ گشتی یێ بازرگانی ل وه‌زاره‌تا بازرگانی و پیشه‌سازیێ یا حكومه‌تا هه‌رێما كوردستانێ راگه‌هاند گرتنا خالێن توخیبی یێن هه‌رێما كوردستانێ ل گه‌ل ئیرانێ كۆ كارتێكرنێ ل سه‌ر كێمبوونێ و گرانبوونا بهایان ناكه‌ت،حكومه‌ت دێ خالێن توخیبی یێن هه‌رێما كوردستانێ ل گه‌ل توركیا و به‌غدا بۆ ئینانا كه‌ل وپه‌لان بكار ئینیت.
نه‌وزاد ئه‌دهه‌م رێڤه‌به‌رێ گشتی یێ بازرگانی ل وه‌زاره‌تا بازرگانیێ و پیشه‌سازیێ ل حكومه‌تا هه‌رێما كوردستانێ راگه‌هاند: هه‌رێمێ ل گه‌ل ئیرانێ سێ ده‌رگه‌هێن خالێن توخیبی هه‌نه و كۆ نها هاتینه‌گرتن، چونكو ژیانا مرۆڤی گرنگتره ژ كه‌ل و په‌لان، ئه‌و بریار ژی ژ جڤاتا وه‌زیران ده‌ركه‌تی یه بۆ پاراستنا ژیانا مرۆڤی یه، بۆ تژیكرنا ئه‌وێ بوشاهیا دروست دبیت ژ گرتنا خالێن توخیبی یێن ئیرانێ، دشیێن خالێن دی یێن توخیبی بكار بینین كۆ نوكه جهگرێن وان مفایی ژێ دبینین ئه‌و ژی ب رێكا توركیا .
نه‌وزاد ئه‌دهه‌م رێڤه‌به‌رێ گشتی یێ بازرگانی ل وه‌زاره‌تا بازرگانیێ و پیشه‌سازیێ ل حكومه‌تا هه‌رێما كوردستانێ راگه‌هاند ژبلی گوهورینێن خالێن توخیبی یێن هه‌رێما كوردستانێ، پاشه‌كه‌وت هه‌یه بشیێن تاكو ده‌ربازبوونا مه‌ترسیا ڤایرۆسێ كورونا گوهورینێن سه‌قایی، چاره‌سه‌ریا كێم بوونا خارنێ و رێگریێ ژ بلند بوونا بهایێ بازاری پێ بكه‌ین.
