رێڤەبەرێ ئاڤا دهۆکێ هاتە گوهارتن
ئەڤرۆ نیوز، نەوزاد هلۆری:
دەمەکێ کێم بەری نوکە ل ئاڤاهیێ رێڤەبەریا ئاڤا دهۆکێ، ب بەرهەڤبوونا جێگرێ پارێزگارێ دهۆکێ، رێڤەبەرێ ئاڤا دهۆکێ هاتە گوهارتن.
بەهزاد عەلی ئادەم جێگرێ پارێزگارێ دهۆکێ د چارچوڤێ گوهرینا رێڤەبەرێ ئاڤا دهۆکێ گۆت: گوهرینا رێڤەبەرێن دام و دەزگەهێن میری گورانکاریێن کارگێری و سروشتی نە، مەرەم باشترکرنا کاری و درێژەدانە ب کارێن رێڤەبەراتیێ، دەستخوشیێ ل رێڤەبەرێ ئاڤا دهۆکێ دکەین کو ددەما بوری دا کارێن گرنگ بۆ دهۆکێ کرینە، دیسان داخوازا سەرکەفتنێ بۆ رێڤەبەرێ نوو ژی دکەین، پشتەڤانا کارگێریا پارێزگەها دهۆکێ ژی بۆ رێڤەبەرێ نوو دوپات دکەین.
هەژیە بێژین کو ئەندازیار ڤەگێر ئەحمەد، ل شونا ئەندازیار جەلال جەمیل بەرئاشی هاتەدانان.