رێڤەبەرێ ساخلەمیا قەزا ئامێدیێ: هه‌ر ئامارەکا بێ ئاگاداریا مه ل دەڤەرێ نه جهێ باوەرپێکرنێ یه
نینه ئەڤرۆ نیوز، مەحمود نهێلی:
رێڤەبەرێ ساخلەمیا قەزا ئامێدیێ بۆ ئەڤرۆ نیوز دیار کر، وان دەست ب هەوەکا هشیارکرنێ ل سەر نەخوەشیا ڤایرۆسێ کورونایێ کریە و نابیت چ هەوەک یان ئامارەک بێ ئاگاداریا وان ل دەڤەرێ بهێنە ئەنجامدان و جهێ باوەریێ نینە.
دکتور شاکر عەبدولعەزیز رێڤەبەرێ ساخلەمیا قەزا ئامێدیێ دیار کر، کو وان ئەڤ هەوە ل قوتابخانا دەسپێکربوو و رێنمایێن چاوانیا خوە پاراستنێ ژ ڤێ نەخوەشیێ بو قۆتابیان هاتنە پێشکێشکرن و تێدا هاتە دیار کرن، کو پێدڤیە ئەڤ نەخوەشیێ ل دووڤ قەبارێ وێ بهێتە نیاسین و هەروەسا رێیێن خوە پاراستنێ بۆ هاتنە شرۆڤەکرن.
ناڤهاتی دیار ژی کر کو ئه‌ڤرۆ ۲۷/۲/۲۰۲ دێ روونشتنەکا بەرفرە بوتەڤایا مامۆستایێن ئاینی و گوتار بێژێن مزگەفتا هێتە کرن و دێ رێنمایێ بۆ وان هێنە دیار کرن و ئەو دێ ل سەر مینبەرێن مزگەفتا گەهیننە وه‌لاتیان.
ناڤهاتی تەکەزی ل سەر هندێ کر، کو نابیت چ گرۆپ و رێکخراو بێ ئاگاداریا وان چ چالاکیان ل سەر ڤێ نەخوەشیێ ئەنجام بدەن، چونکە ساخلەمیا وان ل دووڤ رێنمایێن وەزارەتا ساخلەمیێ و رێکخراوا جیهانیا ساخلەمیێ کار دکەن.
ئاشکرا کر ، هەر پێزانینەک و ئامارەک ل سەر ڤێ نەخوەشیێ بهێته راگه‌هاندن ژ دەرڤەی راگەهاندنا وەزارەتا ساخلەمیێ نه جهێ باوەرپێکرنێ یه و پێدڤیە وه‌لاتی باوەر ژێ نەکەن.
