رێ ناده‌ن ئه‌نجلينا و براد بێت و هيلتۆن بچنه ڤان وه‌لاتان
ئه‌ڤرۆ نيوز:
هنده‌ك جاران ده‌ما هزر دهێته كرن كو ئه‌كته‌رێن سينه‌مايى يان ژى وه‌رزشڤان دشێن سه‌ره‌دانا هه‌موو وه‌لاتان بكه‌ن و وه‌كو خه‌ونه‌كێ يه بۆ وى وه‌لاتێ سه‌ره‌دانێ دكه‌ن، به‌لێ هنده‌ك جاران وه‌سا نينه و ژ به‌ر هه‌ر ئه‌گه‌ره‌كێ هه‌بيت، هنده‌ك وه‌لات رێ ناده‌ن هه‌موو ستێرێن جيهانێ سه‌ره‌دانا وان بكه‌ن.
ئه‌ڤه ئه‌نجلينا جۆلى يه يا كو جيهان هه‌موو خه‌ونا ب ديتنا وێ و مێڤانداريكرنا وێ ڤه دبينن، به‌لێ د راستى دا وه‌سا نينه، وه‌لاتێ بۆسنا ژ ئه‌گه‌رێ رابوون ب كارێ ده‌رهێنانێ د فلمێ “سه‌رئه‌رد خوين و هنگڤين” كو چيرۆكا ڤى فلمى ل دۆر سه‌رێ بوسنا و سربيايه رێ ل چوونا ڤێ ئه‌كته‌رێ بۆ وى وه‌لاتى گرتبوو، به‌لێ ل ڤێ دووماهيێ جاره‌كا دى رێ ب چوونا وێ بۆ ڤى وه‌لاتى هاتيه دان.
هه‌ڤێ هه‌نێ ژى برات بێته، هه‌ڤژينێ ئه‌نجلينا جۆلى، ره‌وشا وى ژ يا ئه‌نجلينايێ باشتر نينه د ڤێ ده‌ربارێ دا، به‌لكو هه‌ڤدژى ڤێ چه‌ندێ يه، وه‌لاتێ چينێ خودانا زێده‌ترين رێژا مرۆڤان ل جيهانێ راگه‌هانديه كو جهێ ڤى ئه‌كته‌رێ ناڤدارێ هوليۆدێ لێ نينه، پشتى پشكدارى د فلمێ “حه‌فت سال ل پبت” دا كرى.
پاريس هيلتۆن ئه‌كته‌ر و نمايشكه‌را ناڤدارا جيهانى و كچا هيلتۆن خودانێ مه‌زنترين ئۆتێلێن ماركا هيلتۆن ل جيهانێ، ئه‌و ژى ژ ئه‌گه‌رێ ب كارئينانا كۆكاينێ ل ڤيگاس، چوونا وێ بۆ ناڤ وه‌لاتێ ته‌كنۆلۆژيايێ، يابانێ هاتيه قه‌ده‌غه‌كرن.
