زاخۆ پله‌ی ئۆف شاراند و نێزكی یاریا دووماهیێ بوو
ئەڤرۆ
زاخۆ، عەلی حاجی:
د داخویانیەکێ دا ستێرا باسکێت بولا زاخۆ و هەلبژارتیێ ئیراقێ بۆ رۆژناما ئەڤرۆ دیار کر سەرکەڤتنێن وان ل سەر نەفت دوپاتکر کو نڤشێ یاریزانێن نوو د ئاستەکێ بلند دایە.
زێدەتر موراد عەلی گۆت : یاریێن قوناغا پلەی ئۆف ب زەحمەترن و مە هەمیان کارکر پێخه‌مه‌ت بشێن دیرۆكه‌کێ بۆ یانه‌یا زاخۆ تومار بکەین و نێزیکی وێ مێژوویێ نە بتنێ دو پێنگاڤان ژ دەستڤەئینانا ناسناڤی دویرن،ب هاریکاریا راهێنەرێ مە یێ سربی و جوتیار عەلی و یاریزانان کار ل سەر تیما نەفت کر و شیا ریمونتادایی ل سەر وان تومار بکەین ژبەرکو د یاریێن خولێ دا ئەو ب دو سەرکەڤتنان ل پێشیا مە بوون، یاریا بهێت یا ئێكلاكه‌ر دگەل نەفت دێ ب گیانه‌كێ مه‌زن یاریێ كه‌ین پێخەمەتی سەرکەڤتنێ و دەرباز بوونێ بۆ یاریا دووماهیێ،هەرچەندە ژبه‌ر هنگافتنێ جەگەر عەلی و عادل پشكدار نه‌بوون لێ ب هێزا گەنجان شیا وێ ڤالاهیێ تژی بکەین.
ناڤبری گۆت ژی: د یاریێن پلەی ئوف دا ئەز هەتا نوکە ژ ئاستێ خوە رازیمە و مە شیایە هاریکاریا تیما خوە بکەین و د یاریێن بوری دا جەماوەرێ زاخۆ هژمارە شەش بوون دگەل تیما مە و وان رولەکێ مەزن گێرا و کلیلا سەرکەڤتنا تیمێ بوون د یاریا بوری دا،ئەم شانازیێ ب تیم و جەماوەرێ خوە دبین و یا گرنگە جەماوەرێ مە ل یاریا بهێت ژی دا ئامادە ببیت .
