زاڕۆ و سـۆشیال میدیـا
ماڤین محەمەد
ب شێوەكێ گشتی بكارئینانا ئنترنێتێ د دەستێت زارۆكێن مە دا ل ناڤا جڤاكا نوكە دا ل هەر مالەكی زێدە یا بەربەلاڤە. دا كو تو بشێی زارۆكێن خۆ ب شێوەكێ جوان برێڤەببەی، پێدڤیە ل سەر دایبابان دەمەكێ تایبەت بۆ زارۆكێن خۆ تەرخان بكەت، ئەو دەمێ بۆ زارۆكێن خۆ دیاركری ب تشتێن مفا ڤە بۆرینن، بۆ نموونە سەرەدانا پەرتوكخانا یان مۆزەخانەیان یان جهێ یاریان و گەلەك جهێن دی ب مفا بكەت، داكو تو بشێی بكارئینانا ئنترنێتێ د دەستێن زارۆكێن خۆ دا كێم بكەی، پێدڤیە تە ئەو دەمێ دیاركری هەبیت بۆ زارۆكێن خۆ، هەروەسا بلا رۆژانە دەمەكێ كێم یێ دیاركری بۆ بكارئینانا ئنترنێتێ ژی هەبیت، لێ شێوەكێ باش بهیتە بكارئینان، بۆ نموونە فێربوونا قورئانێ، فێربوونا زمانان و گەلەك تشتێن دی ب مفا بهێتە بكارئینان. هەروەسا پێكۆلان بكە زارۆكێن خۆ بەختەوەر بكەی، ژبەر كو دەما هەست دكەن تە دڤێت وان بەختەوەر بكەی، دێ گوهداریا تە كەن و دێ ل ژێر فەرمانێن تەدا بن، بۆ هەر كارەكێ باش یێ تو بۆ وان دبێژی گریدای چاوانیا بكارئینانا ئەنترنیتێ بیت یان هەر كارەكێ دی، ئەڤی كاری گەلەك دراڤ لێ ناچیت، بەلكو تشتەكێ ژ دراڤی گرنگتر پێ دڤێت، تو دشێی جەخت لسەر حەزژێكرنا خۆ بۆ زارۆكێ خۆ بكەی و ڤێ حەژێكرنێ بسەلمینی ب رێكا سەلماندنا گرنگیەكا تەمام ب وی و گرنگیدان ئەو فاكتەرە یێ زارۆك ب بەردەوامیا دەمی حەزژێ كەت، بەلێ پا مخابن كێم جاران زارۆك ڤێ گرنگیێ دبینن، لەوما پتریا جاران زارۆك هەست ب گرنگینەدانێ دكەت، ڤێجا رادبیت ب سەلماندنا هەبوونا خۆ و سەرنجا دەیبابێن خۆ بۆ خۆ رادكێشیت ب رێكا شیماتیا مەدحكرن ژی باشترین رێكا سەلماندنێ یە بۆ مرۆڤی كو دیارە بكەت كەسێ بەرامبەر گرنگیێ ب ڤی مرۆڤی ددەت، ئەڤجا هەكە تە ڤییا زارۆكێ تە بكارئینانا ئەنترنیتێ رۆژانە ب شێوەكێ باش و دەمەكێ دیاركری بكاربینیت، پێدڤیە تو دەمێ خۆ و گرنگیەكا زۆر پێ بدەی. راستە پێدڤیە مرۆڤ هندەك فەرمانان ل سەر زارۆكێن خۆ بسەپینیت، بەلێ پا د هەمان دەم دا یا فەرە ئەو فەرمانە ژی د بەرئاقل و مەقبوول بن و ژ دلۆڤانی و ڤیانێ دبێ بەهر نەبن و د خێزانێن بەختەوەر دا ڤێ چەندێ پێدڤی ب سەپاندنا یاسایان نینە، بەلكو ئەندامێن خێزانێ ب خو، خۆ رێكدئێخن. لەوما پێكۆلا بكە جەوەكێ بەختەوەر و خوشیێ بۆ زارۆكێن خۆ دابین بكەی و مەدحێت كارێن وان یێن باش و وەستیانا وان بكەی ب پەیڤێن دلۆڤان و یاریا دگەل وانا بكە و وەل وانا بكە هەست ب پشكداریێ د پرۆژەیێن خێزانێ دا بكەن
و دێ پشتی هینگێ ب تە دیاربیت كو پێدڤییا تە ب سەپاندنا سیستەم و یاسایان كێم دبیت و كا تو چ ژ زارۆكێن خۆ دخوازی دێ بۆ تە جێبە جێ كەن و دەما تو ڤێ رێكێ جێبە جێ دكەی، دێ تو خۆشیەكا تەمام دگە ل زارۆكێن خۆ بەی. ل دوماهیێ دی بێژم چاوانیا بكارئینانا ئەنترنیتێ د دەستێ زارۆكان دا لسەر دایبابان دمینت پێدڤیە لسەر وان ب گرنگی وەرگرن ڤی بابەتی، ژبەركو بكارئینانا ئنترنیتێ بوویە كارەكێ رۆژانە د دەستێ مەزن و بچووكان دا، داخوازا ژیانەكا باش ورۆن و جوان بۆ هەر زارۆكەكی دخوازم، ژبەر كو زارۆك فێقیێ هەر مالەكێ نە، چرایێن پاشەڕۆژا وەلاتێ مەنە.
