سالانە نێزیكی 60 زارۆیان ل دهۆكێ تووشی پەنجەشێرێ دبن
د. حەسەن عەبدوللا ئەسوەد، رێڤەبەرێ سەنتەرێ ژین یێ نەخۆشیێن خوینێ و پەنجەشێرا زارۆكان ل دهۆكێ دیار كر، سالانە ل دهۆكێ دۆرێن 50 هەتا 60 زارۆیان تووشی پەنجەشێرێ دبن و دبێژیت: ل سالا 2023 ل دهۆكێ 59 زارۆیێن تووشبوویێن پەنجەشێرێ هاتبوونە تۆماركرن.
رێڤەبەرێ سەنتەرێ ژین یێ نەخۆشیێن خوینێ و پەنجەشێرا زارۆكان ئاماژە ب وێ چەندێ ژی كر كو ژ سالا 2011 وەرە هەتا نوكە 431 نەخۆش هاتینە توماركرن، ژ وان ژی: 241 نەخۆش ب تەمامی چارەسەربووینە.
ژ لایەكێ دیڤە سارا مفتی، بەرپرسا نڤیسینگەها دهۆك یا رێكخراوا مندالپارێزێن كوردستانێ دیار كر، ب پشتەڤانیا سەنتەرێ ژین دێ بۆ ئەڤ سالە ژی بەردەوام خزمەتێن ساخلەمیێ پێشكێشی زارۆكێن تووشی پەنجەشێرێ بووین كەن و دێ پشتەڤانیێ ژی ل سەنتەرێ ژین یێ نەخۆشیێن خوینێ و پەنجەشێرا زارۆكان ل دهۆكێ كەن.
