سالح كەكو: خولا نێڤدەولەتی دەلیڤە بۆ راهێنەرێن پارێزگەهێ د ئۆلمپیادا 2026ێ پەیدا کریە
پشتی بۆ ماوەیێ حەفتییەكێ د پشكدارییا خوە یا خولا نێڤدەولەتی دا حەفت راهێنەرێن پارێزگەهێ شیان باوەرنامەیا لێڤل سێ و ئێك ل سەر ئاستێ یارییا كیك بۆكسیتگا جیهانێ وەربگرن، ژلایێ فیدراسیۆنا یارییا ناڤهاتی یا ئیراقێ بۆ و سەرپەرشتییا فیدراسیۆنا جیهانی ل باژێرێ سلێمانیێ هاتبوو رێكخستن
ل دۆر پشكدارییا راهێنەرێ پارێزگەهێ مەحفوز ئیبراهیم ئەندامێ فیدراسیۆنا ئیراقێ یارییا كیك بۆكسینگێ گۆت: ژ پارێزگەها دهۆكێ حەفت راهێنەرێن مە بوونە خودانێن لێڤل سێ و دو و ئێك و ئەوێن پشكدار بووین هەر ئێك ژ سالح كەكۆ راهێنەرێ یانەیا دهۆك بوو خودان باوەرنامەیا ئەی لێڤل سێ، عەبدولرەزاق سەعید ژ یانەیا ئامێدیێ، نێجیرڤان خەلەف ژ یانەیا زاخۆ، مەحمود عەبدولقادر ژ یانەیا تەناهی، فەرید حەسەن ژ یانەیا شێخان، مەلەڤان كامیران ژ یانەیا پۆلیتەكنیك و ئەحمەد ئیدریس ژ یانەیا گارە.
هەروەسان ناڤهاتی ئەوێ د هەمان دەمدا سەرۆكێ فیدراسیۆنا كیكبۆكسینگا پارێزگەهێ یە گۆت: ئەڤ خولە نێڤدەولەتی یە بۆ هەمی راهێنەرێن جیهانێ دهێتە رێكخستن ژلایێ وانەبێژێن شارەزا یێن نێڤدەولەتی هەر ئێك ژ ئۆكراینی رۆمیۆ ئۆیسا، یێ ئیتالی ئۆمینكۆ ماندالاری، یێ پۆلەندی رادێك لیڤاكۆڤێك و یێ سویدی سامی سلام كو دهێنە هژمارتن شارەزایێن فیدراسیۆنا واكو یا نێڤدەولەتی هاتبوو بڕێڤەبرن.
ژلایێ خوەڤە سالح كەكو راهێنەرێ پشكدار گۆت: ئەڤ خولە گەلەك یا گرنگ بوو و هەر نوویاتی و پێشهاتەیێن یارییا كیكبۆكسینگ بۆ راهێنەران هاتە شرۆڤەكرن ب شێوەیی تیۆری و پراكتیكی، هەر ژ دانێ سپێدی هەتا دانێ ئێڤاری وانە د بەردەوامبوو، یا گرن بوو مە ئەو حەفت راهێنەرێن مە یێن پارێزگەهێ پشكداربووین مفایەكێ گەلەك باش و ژ هەمیا گرنگتر ل دووڤ گۆتنا رێكخەرێن خولێ راهێنەرێن مە دەلیڤەیا پشكداریێ د ئۆلمپیادا 2026ێ یا تایبەت ب یارییا كیكبۆكسنگێ ڤە پەیدابوویە گەشبینم دێ پشكداریێ تێداكەن.
