سالح موسلم: داعشێ دێ چه‌كێ كیمیاوى ل كوبانێ ب كارئینیت
ئه‌ڤرۆ نیۆز:
د هه‌ڤدیتنه‌كا رۆژنامه‌ڤانى دا ل گه‌ل رۆژناما شه‌رق ئه‌لئه‌وسه‌ت، هه‌ڤسه‌رۆكێ ئێكه‌تیا دیموكراتى یا كوردى ل سوریا سالح موسلم گۆت: شه‌رێ نها ل كوبانێ لاوازكرنا هێزا هه‌دو ئالیانه، هه‌روه‌سا ئاشكراكر، ل گۆڕ پێزانینێن مه هه‌ین چه‌كدارێن داعشێ لبه‌ر چه‌كێ كیمیاوى ب رێیا توپێن مورتر ب كار بینن، ئاماژه‌دا هندێ ژى، ل دۆر وان پێزانینان ژى نها 40 تانك و هژماره‌كا زۆر یا هه‌مه‌ران ل ده‌ور و به‌رێن كوبانێ هه‌یه.
سالح موسلمى گۆت: هه‌كه چه‌كێ نوو و پێشكه‌فتى گه‌هشته به‌ر ده‌ستێن مه بۆ ژناڤبرنا تانكێن داعشێ و زریپوشان وى ده‌مى گوهۆڕینه‌كا به‌رچاڤ دێ ل مه‌یدانا شه‌رى هێته ئه‌نجامدان.
سه‌باره‌ت رۆلێ وه‌لاتێ توركیا ژى سالح موسلم خوه‌یاكر، هه‌تا نها رۆلێ توركیا یێ مژاویه هنده‌ك گۆتنا دكه‌ن و به‌رۆڤاژى وێ كاران دكه‌ن، و هه‌موو گرۆڤ دبێژن توركیا هێش پشته‌ڤانیا داعشێ دكه‌ن و رێخوشكرنێ بۆ هاتنا پشته‌ڤانیێن وان ژ ئالیێ هاتنا چه‌كداران ڤه دبه‌رده‌وامن.
زێده‌بارى وێ دیاركر، پێزانینێن مه دبێژن 120 چه‌كدارێن داعشێ ب رێیا سنورێ توركیا ل حه‌فتیا بۆرى هاتینه كوبانێ.
