سالح موسلم: پێشمه‌رگه‌ى و شه‌رڤانێن كوبانێ ژ به‌ره‌ڤانیكرنێ بۆ هێرشان دچن
ئه‌ڤرۆ نیۆز:
سه‌رۆكێ حزبا ئێكه‌تیا دیموكراتى سالح موسلم گۆت: ئه‌ڤه دو رۆژه هێزێن یه‌كینه‌یا پاراستنا گه‌ل هێرشان د كه‌نه سه‌ر بنگه‌هێن داعشێ كو به‌رى نها د سه‌نگه‌رێ به‌ره‌ڤانیكرنێ دا بوون، به‌لێ هه‌ڤده‌م دیاركر، نها ئه‌م نه‌شێن ب ته‌مامى جهێن هاتینه ئازادكرن دیار بكه‌ین ژ به‌ر تێكهه‌لكێشانا ده‌ڤه‌ر و تاخێن كوبانێ.
سالح موسلم بۆ رۆژناما شه‌رق ئه‌لئه‌وسه‌ت گۆت: هێزێن كوردان ل كوبانێ د پێشڤه‌چوونێ دانه هه‌مبه‌رى چه‌كدارێن داعشێ، به‌لێ پێشڤه‌چوونا وان یا هێدى هێدیه ژ به‌ر شێوازێ شه‌رێ كوبانێ جوادیه و بكارئینانا بومبێن چاندى كارتێكرنێ ل پێشڤه‌چوونا ب له‌ز دهێته كرن.
سالح موسلم هه‌روه‌سا دوپاتكر، رۆلێ پێشمه‌رگه‌ى ل كوبانێ رۆله‌كێ كاریگه‌ر بوویه نه‌خاسمه ئه‌و پێشمه‌رگێن هاتین كوبانێ چه‌كه‌كێ تایبه‌ت ڤێ هه‌یه كو تانك و زریپۆشێن ب دووراتیا 4 كێلومه‌تران دكه‌ته ئارمانج و ژناڤ دبه‌ت.
سه‌باره‌ت هنارتنا هێزێن زێده‌تر یێن پێشمه‌گره‌ى بۆ كوبانێ موسلم دیاركر، چو هژمارێن ده‌ستنیشانكرى نینه، و هرایكاریا یا به‌رده‌وامه هه‌كه پێدڤیى پێ هه‌بوو، چونكى ئاریشێن سیاسى ل سه‌ر ڤێ یه‌كێ نینه.
