سالڤەگەڕا دو شەهیدان ل ئامێدیێ هاتە ساخكرن
ئەڤرۆ
ئامێدیێ، مەحمود نهێلی:
د رێورەسمەكی دا ناڤەندا ئامێدیێ یا چالاكیان و پێگەهاندنا لاوان رابوون ب ساخكرنا سالرۆژا شەهید ئیسماعیل ئیبراهیم ئامێدی یێ بەرنیاس ب سمكۆ ئامێدی و شەهید محسن سەید عەبدوللا سەید قاسم.
چالاكڤان موراد موحەمەد بۆ رۆژناما ئەڤرۆ دیار كر، د ڤێ رێورەسمی دا، كو بەرەڤان حەمدی، بەرپرسێ لقێ 18 یێ پارتی و هەژمارەكا بەرپرسێن حزبی و حكومی و مالبات و كەسوكارێن شەهیدان بەرهەڤ ببوون ئەو هەلكەفتە ل گورستانا ئامێدیێ هاتە ساخكرن وەك وەفا و رێزگرتن بۆ خەبات و خزمەتا وان شەهیدان یا پێشمەرگاتیێ و تاجە گولینە ل سەر گۆڕێن وان هاتنە دانان و گۆت: «هەر د ڤێ رێورەسمی دا ژ لایێ مالباتا وان ڤە پەیڤەك هاتە پێشكێشكر و تێدا تەكەز كر دێ ل سەر رێبازا پارتی و بارزانی د بەردەوام بن».
سمكو ئامێدی ل سالا ١٩٥١ هاتیە سەر دنیایێ و ل رۆژا ١٠/٤/١٩٨٩ ب دەستێ چەپەل ژ لایێ دوژمنی ڤە هاتە شەهیدكرنە
محسن سەید عەبدوللا سەید قاسم ل سالا ١٩٦٣ هاتیە سەر دونیایێ و ل رۆژا ٥/٤/٢٠٢٣ د گەهیتە كاروانێ شەهیدان.
