سالڤەگەڕا دەهێ یا دامەزراندنا پەیمانگەها چارەسەرییا دەروونی و تراومایێ هاتە ساخكرن
ب ئامادەبوونا دلشاد شەهاب، نوونەرێ نێچیرڤان بارزانی، سەرۆكێ هەرێما كوردستانێ و ماجد سەید سالح، جێگرێ پارێزگارێ دهۆكێ و د. كرستیان ئولفكە، قونسلێ گشتی یێ ئەلمانیا ل كوردستانێ و د. داود سلێمان، سەرۆكێ زانكۆیا دهۆك و هژمارەكا راوێژكار و نوونەر و بەرپرسێن دام و دەزگەهێن جودا، دوهی 1/11/2026 د ڕێوڕەسمەكی دا سالڤەگەرا دەهێ یا دامەزرندنا پەیمانگەها چارەسەرییا دەرونی و تراومایێ یا زانكۆیا دهۆك هاتە ساخكرن.
د پەیڤەیێن جودا دا نوونەرێ سەرۆكێ هەرێما كوردستانێ و جێگرێ پارێزگارێ دهۆكێ و سەرۆكێ زانكۆیا دهۆك و قونسلێ گشتی یێ ئەلمانیا بەحسێ ڕۆلێ گرنگێ پەیمانگەهێ د دەمێ بۆری دا ل گەل تەخێن جڤاكی و هەماهەنگی و پشتەڤانییا حوكمەتا هەرێما كوردستانێ و ئەلمانیا و رێكخراوێن جودا كر و هیڤیا بەردەوامییێ و سەركەفتنێ بۆ خواست، كو شیاین د بیاڤێ ناڤبری دا خزمەتەكا باش پێشكێش بكەن.
