سالڤەگەڕا نڤیسەر و رۆمانڤیس (بلند محەمەد)ی، ل سێمێلێ دێ هێتە ساخكرن
شاكر ئەتروشی
ب هەلكەفتا بۆرینا سالەكێ ل سەر وەغەركرنا نڤیسەر و رۆمانڤیس و هەلبەستڤان و زیندانیێ سیاسی (بلند محەمەد عومەر) و ب چاڤدێریا (دژوار شەوكەت) قائیمقامێ قەزا سێمێلێ، رێڤەبەریا رەوشەنبیری و هونەری ل سێمێلێ، ب هەڤكاری ل گەل ئێكەتیا نڤیسەرێن كورد/دهۆك، ل بەرە ل رۆژا سێشەمبی، رێكەفتی 14/7/2026 چالاكیەكا ماتەمینی ل هولا رێڤەبەریا رەوشەنبیری و هونەری ل سێمێلێ بگێڕیت و هاتن بۆ هەموویانە.
بەرنامێ چالاكیێ ل دەمژمێر (6) ئێڤاری دێ دەستپێكەت و ل بەراهیێ سمینارەك دێ ژلایێ (د. ئەمین عەبدولقادر) ل ژێر ناڤێ (بلند محەمەد و سەربۆرا رۆمانڤیسینێ) هێتە پێشكێشكرن، د برگا دویێ دا نڤیسەر و چیرۆكنڤیس (عسمەت محەمەد بەدەل) دێ سمیناركێ ل ژێر ناڤێ (خواندنەك بو كومەلا كورتە چیرۆكێن (دارێن ئاخێڤ) پێشكێشكەت و د سمینارا سێیێ و دووماهیێ ژی دا نڤیسەر و هەلبەستڤان (بەیار باڤی) دێ سمینارەكێ ل ژێر ناڤێ (خواندنەكا سوسیولۆجی د هەلبەستێن بلند محەمەدی دا پێشكێشكەت و ل دووماهیێ پەرتووكەكا ژ نوو چاپبوویا نڤیسەر (بلند محەمەد) ی، كو ل ژێرناڤێ (دارێن ئاخێڤ) ە و ژ كومەلەیەكا چیرۆكان پێك دهێت ب دیاری ل سەر بەرهەڤبوویان دێ هێتە بەلاڤكرن.
