سایلۆیا رۆڤیا ب مادێ ستیلی دهێته دروست كرن
شێخان، بارزان مزووری:
ئه‌ندازیار عیماد محه‌مه‌د سه‌رپه‌رشتێ پرۆژێ ئاڤاكرنا سایلویا رۆڤیا بۆ ئه‌ڤرۆ نیوز گۆت:پرۆژێ دروست كرنا سایلۆیا رۆڤیا 55% كار ل سه‌ر دوماهیك هاتیه بكۆژمێ 17 ملیار دینارا ل سه‌ر بۆدجه‌یا حكومه‌تا هه‌رێما كوردستانێ، شیانێن وه‌رگرتنا40 هزار ته‌نێن گه‌نمی یا هه‌ی.
ناڤهاتی خۆیاكر سایلۆیا رۆڤیا ب مادێ ستیلی هاتیه دروست كرن ژبه‌ركۆ ستیل ژلایێ زانستی ڤه باشتری كونكریتی ، ب شێوازه‌كێ ئه‌ندازه‌ی رێك و پێك و جوان هاتیه دروست كرن ژلایێ كومپانیه‌كا بیانی و نافخۆ كار ل سه‌ر دهێته‌كرن.
ناڤهاتی گۆت ژی رۆژانه كار یێ به‌رده‌وامه بۆ تمامكرنا ڤی پرۆژه‌ی ژبۆ به‌رژه‌وه‌ندیا جوتیاران ژبه‌ركۆ دا هه‌یڤا 7 دا گه‌نمێ خۆ راده‌ستێ سایلۆیا رۆڤیا بكه‌ن چونكۆ ئه‌ڤه چه‌ندین ساله 60 هزار ته‌نێن به‌رهه‌مێ وان جوتیارا بۆ سایلۆیا شێخان دچو ئه‌ڤ سال جوتیارێن قه‌زا به‌رده‌ره‌ش دێ بنه خودان سایلۆ.
