سترانه‌كێ دێ ب زاخۆ بێژیت
دهۆك، كاوین جیهاد نه‌حلاڤی:
سترانبێژ دلشاد زاخۆیی، كو ئه‌ڤه چه‌ند ساله ل وه‌لاتێ هوله‌ندا دژیت، د دیداره‌كێ دا بۆ رۆژناما ئه‌ڤرۆ دیاركر كو هاتنا وی یا ئه‌ڤ جاره بۆ هه‌رێما كوردستانێ، ب تایبه‌ت ژی باژێرێ وی زاخۆ ژبۆ تۆماركرنا چه‌ند سترانه‌كێن وی یێن به‌رێ یه، هه‌روه‌سا دێ هنده‌ك سترانێن نوو ژی تۆماركه‌ت.
دلشادی گۆت: ل دووف پێشنیازا مۆزیكژه‌ن (زه‌مان) نوكه مژوولی دوباره‌كرنا سترانه‌كا خوه یا به‌رێ مه ب ناڤێ (پشتی ئه‌ڤینا مه دل هه‌ژاره) من ل به‌ره ب ره‌نگه‌كێ باشتر تۆماربكه‌م، هه‌روه‌سا د به‌رنامێ من دایه هنده‌كێن دی ژی تۆماربكه‌م، چنكو گه‌نجێن نوكه پتر حه‌ز ژ سترانێن من یێن به‌رێ دكه‌ن، د هه‌مان دا من سترانێن نوو ژی هه‌نه، من ل به‌ره سێ ژوان تۆمار بكه‌م، ئه‌و ژی دقوناغا تۆماركرنێ دانه، من ل به‌ره ل ده‌مه‌كێ نێزیك هه‌كه ده‌لیڤه هه‌بوو دو سترانان ژێ كلیپ بكه‌م، هه‌روه‌سا من ل به‌ره سترانه‌كێ ب باژێرێ خوه زاخۆ بێژم، چنكو زاخۆ بۆ من دایك و رح و هه‌ر تشته‌كه، ئه‌ڤ سترانه ژ په‌یڤ و ئاوازێن وه‌لید یوسفی یه و بۆ من شانازی كو ڤێ سترانێ بێژم.
