سترانێن نوكە د گوهێن خەلكی دا نامینن
سولین سلێمان:
سترانبێژ (هەرێم محەمەد) كو ئەڤە نێزیكی بیست سالانە وەك سترانبێژ و مۆزیكژەن خزمەتا هونەرێ كوردی دكەت، د دیدارەكێ دا بۆ رۆژناما ئەڤرۆ گۆت: ئەز گەلەك حەزژ دەنگێ هەردو هونەرمەندێن مەزن (زیاد ئەسعەد و زەكەریا عەبدوللا) دكەم، چنكو ئەو هەردو خودان ئەزموونەكا مەزنن دبوارێ هونەری دا و من گەلەك مفا ژوان وەرگرتیە.
هەروەسا گۆت: مخابن ئاستێ هونەرێ كوردی نوكە د رەوشەكا خراب دایە، چنكو سترانبێژ مشەبووینە و سترانێن نوكە دگوهێن خەلكی دا نامینن، چنكو ئەو كەسێن پەیڤ و ئاوازاێن باش و سەركەفتی چێدكەن گەلەك دكێمن، بۆ زانین هندەك جاران ئەز لایڤ مۆزیكا دگێڕم چنكو داهاتەكێ باش بۆ من دهێت و ب وی داهاتی سترانێن خوە پێ تۆماردكەم.
