سكرتێرێ جڤاتا وه‌زیران: نێچیرڤان بارزانى ناچیته به‌غدا
ئه‌ڤرۆنیۆز:
سكرتێرێ جڤاتا وه‌زیرێن هه‌رێما كوردستانێ راگه‌هاند، سه‌رۆكێ حوكمه‌تا هه‌رێما كوردستانێ نێچیرڤان بارزانى نها سه‌ره‌دانا به‌غدا ناكه‌ت.
سكرتێرێ جڤاتا وه‌زیران ئامانج ره‌حیم بۆ تۆڕ رووداو راگه‌هاند، سه‌رۆك وه‌زیرێن حوكمه‌تا هه‌رێمێ نێچیرڤان بارزانى نها نا چیته به‌غدا و چو ژڤانێن ده‌ستنیشانكرى ژى بۆ وێ سه‌ره‌دانێ هه‌تا نها نه‌هاتینه دیاركرن.
ئه‌ڤه داخویانیه هات پشته هنده‌ك ژێده‌رێن نوونه‌رێن په‌رله‌مانێ عیراقێ ئاماژه‌دا دایه كو سه‌رۆكێ حوكمه‌تا هه‌رێما كوردستانێ ل رۆژا چارشه‌مبیێ دێ سه‌را به‌غدا ده‌ت بۆ گه‌نگه‌شه‌كرنا ل گه‌ل حوكمه‌تا عیراقێ و چاره‌كرنا ناكوكیێن هه‌لاویستى دناڤبه‌را هه‌ردو ئالیان دا.
ژئالیه‌كێ دیڤه سكرتێرێ جڤاتا وه‌زیران دوپاتكر، رێككه‌فتنا دناڤبه‌را هه‌رێما كوردستانێ و حوكمه‌تا عیراقێ سه‌باره‌ت هنارتنا 150 هه‌زار به‌رمیلێن په‌ترۆلێ رۆژانه چوویه د بیاڤێ كاركرنێ دا.