سهربهخۆبوون ل بن سیبهرا سازان و قهیران و بایكۆتكرنێ دا !
بێگومان چ شك تێدا نینه ژبوَ رێڤهبرنا ههر ئایدوَلوَژییهكێ ئانكو بساناهی تر بێژێم ههر بهرنامهكی پێدڤی یه پلانهكا گونجای ههبێت ژبوَ گههشتن ب وی ئارمانجێ و ئهڤ چهنده ژی نهتهنها د جێبهجێكرنا كاروبارێن سیاسی دهێته پهیڕهو كرن بهلكو د رێڤهبرنا كاروبارێن خێزانی ژی پێدڤی یه ههر ژ دهستپێكا ژیانا خوه ل دووڤ پلانهكێ بچی و باش هزر د ڤێ چهندێ دا بكهی كو ل ڤێ رێكێ دا گهلهك سهرنشیڤی و سهرئهڤرازی دهێنه د رێكا مروَڤی دا. ههلبهت ئهگهر ئهم بهێن خواندنهكێ بكهین ژبوَ ئهو ئایدۆلۆژییا لایهنێن سیاسی یێن كوردستانێ ژبوَ پهیڕهو كرنا ئارمانجا سهربهخوَبوونێ گرتیه بهر، دێ بینین كو هندهك ژ وان ئامرازا كو دپێك ئینانا وهلاتهكێ سهربهخوَ ئیلزامی یه ههر ب ئیرادا خودێ مهزن یێ هاتیه ئارا بوَ نموونه ژبوَ ههبوونا دهولهتهكا سهربهخوَ وهكو ئهوا ل یاسا نیڤدهولی دا ئاماژه پێكری فهره ههر دهولهتهك داكو بهێته پێك ئینان سێ خالا ب خوهڤه بگریت:
1- ههبوونا سنوورهكێ جوَگرافی یێ دیاركری.
– ههبوونا گهل (شعب)
3- دهستههلات. ههلبهت دشێین بێژین كو ههر كیانهك ئهگهرڤان پهرهنسیبا ب خوهڤه بگریت دێ شێت دهولهتهكا سهربهخوَ ههبیت. لی وهكو ئهم دبینین ههبوونا گهل ئانكو نهتهوهیهك ب ئیرادا مه نههاتیه دیسان سنوور ژی ژ لایێ وهلاتێن زلهێز ڤه دهستكاری تێدا هاتیه كرن؛ كهواته یا فهره ژبوَ دروستكرنا دهولهتهكا سهربهخۆ بیر ل ستراتژییهكا دروست و بێ كێشه بهێته كرن و دیسان وهكو ههموو دزانن ب شهڤهك و روژهكێ دا ئهڤ ئایدۆلۆژییه جێبهجی نابیت و پێدڤی یه كار بوَ بهێته كرن و ههتا پێدڤی ب قوَربانیدان و ژ دهست دانا گهلهك بهرژهوندیێن دیتر ههیه و ههر گهلهكێ ئازادیخواز یا فهره خوه بوَ ڤێ چهندێ ئاماده كربیت و دیسان ژ لایێ سیاسی ڤه ژی پێدڤی یه گوتارا لایهنێن سیاسی یا ههڤپشك بیت و ههموو ل سهر ڤێ چهندێ كوَك بن و بوَ ههموو جیهانێ بهێته سهلماندن كو ههرێما كوردستانێ یا رژده ل سهر ڤێ چهندێ كو ناڤێ ههرێمایهتی ل سهر نهمینت و ببیته دهولهتا كوردستانێ. لێ ئهگهر ب وژدان باخڤین ئایا ل ههرێما كوردستانێ كار ژبوَ هندێ هاتیه كرن كو بوَ ههموو جیهانێ ئهوێن گوهوَڕینا نهخشهیا جیهانێ ددهستێ واندایه بهێته سهلماندن كو ئهگهر ل گهلهك بیاڤاندا ئهم ئێك دهنگ و ئێكگرتی نهبین لێ ل بابهتێ پروَژێ نهتهوهی ئێكگرتینه؟ بێگومان ئهڤ پرسیاره پێدڤی ب بهرسڤدانێ نینه و یا ئاشكهرایه كو دهمێ جهنابێ سهروَك بارزانی باسێ مافێ چارهنڤیسا گهلێ كورد دكر ئهز شێم بێژێم ههموو لایهنێن كوردستانێ ههتا ل مالا خوه ژی نهدوێریان باسێ ڤێ چهندێ بكهن و وهكو ئهم دبینین ههر دهمێ ئهم پێنگاڤهكێ بوَ پێشڤه دچین و باسێ سهربهخۆبوونا كوردستانێ دهێته كرن ژبلی پارتی دیموكراتی كوردستان؛ لایهنێن دیتر وهسا ب گهرمی باسێ ڤێ چهندێ ناكهن و ههر ئێك ب شێوهیهكی كوَسپ و ئاستهنگا دئێخیته بهر دهم ڤێ پروَسێ و بوَ خوه شروَڤهكا جیاواز ددهنێ. یا ئهز دزانم و ب چاڤ دبینم ئهگهر بابهتهك ب دلێ وان نهبیت ئانكو ل ژێر گڤاشتنا وهلاتێن دراوسێ بیت ئێكسهر بیر ل بایكوَتكرنا كوَمبوونا دكهن و ل دووڤ دا ئهگهر كهش و ههوا ئارام بوو، بێ شهرم باسێ روینشتن ل سهر مێزا گفتوگویێ دكهن و د سازانا لایهنێن سیاسی دا باشترین رێك ژبوَ چارهسهركرنا ناكوَكی یا ببینن. نهخاسمه نوكه پشتی دهستپێكرنا شهرێ داعهش كو باشترین دهرفهت یێ هاتیه ئارا و پێشمهرگێن قههرهمان ب خوونا خوه سنوورێن كوردستانێ یێن دارێژتین لێ چ دهرفهت ژبوَ دروستكرنا ئاستهنگا نهمانه و ئێدی یێن باسێ قهیرانا ئابووری و گرفتێن وهلاتیان دكهن و خوه دكهنه پارێزهرێن خهلكێ كوردستانێ و د میدیایێن خوهدا د وهسا ددهنه دیاركرن كو هێشتا دهرفهت نهیێ گونجایه ژبوَ ههتا ریفراندوَمێ و پرسیار ل ڤیرێ دایه ئایا كوَمبوونا جهنابێ سهروكێ ههرێمێ دگهل لایهنێن سیاسی تهنها د ئێك خال دا ب خوهڤه دگریت كو ئهو ژیك ڤهگهراندنا سهروَكێ پهرلهمانی یه بوَ سهر كارێ خوه؟ ئانكو ئهو باش دزانن كو بابهتێ ههره گرنگ كو باس لێ دهێته كرن دهستنیشانكرنا روَژهكێ یه ژبوَ گشتپرسیێ ژبهر هندێ ل بن گوشارا هند وهلاتان ئهڤێ چهندێ بكهنه هێجهت داكو بهشداریێ ل كوَمبوونێ دا نهكهن داكو ئهڤ خهونه نههێته جێبهجێكرن.
