سه‌ركردایه‌تیا لاوان ل زاخۆ كۆمبوون و پلانا شه‌ش هه‌یڤی راگه‌هاندن
ئه‌ڤرۆ نیوز، عه‌لی حاجی :
ب ئاماده‌وانا به‌رپرسا رێكخراوێن جه‌ماوه‌ری و سه‌كردایه‌تی و ئه‌ندامێن ئێكه‌تیا لاوێن دیموكراتا كوردستانێ بۆ ئێكه‌م جار سه‌كرددایه‌تیا ئێكه‌تیا لاویچن كوردستانێ كومبونه‌ك ژ ده‌رڤه‌یی هه‌ولێرا پایته‌خت ئه‌نجام دا و د وێ كومبونێ ئامارا شه‌ش هه‌یڤێن كاری راگه‌هاندن و پلانا شه‌ش هه‌یڤێن بهێت هاته دیار كرن .
د كونگره‌یه‌كێ روژنامه‌ڤانی دا سه‌وری عوبێر سكرتێرێ ئێكه‌تیا لاوێن دیموكراتا كوردستانێ دیار كر ئه‌ڤه دبیته ئێكه‌م كونگره‌یێ سه‌كردایه‌تیا ئێكه‌تیا لاوێن دیموكراتا كوردستانێ ژ ده‌ڤره‌ی هه‌ولێرا پایته‌خت بهێته دانان و بۆ ئێكه‌م جار مه ل زاخۆ ده‌ست پێكر و پشتی شه‌ش هه‌یڤێن دیتر دێ ل باژێرێ هه‌له‌بچه بیت،ئه‌ڤ كومبونه ل دووڤ په‌یره‌و و پروگرامێ ئێكه‌تیا لاوان هاتیه كو هه‌ر شه‌ش هه‌یڤان كومبونه‌ك بهێته ئه‌نجام دان و ئه‌ڤ كومبونه پشتی ویچ یه‌كێ هات كو سه‌ركردایه‌تیا لاوان كومبونه‌ك دگه‌ل سه‌روك مه‌سعود بارزانی ئه‌نجام دابوو و د ڤێ كومبونێ دا راسپارده و ئاموژگاریێن سه‌رۆكی هاتنه گوتوبێژ كرن بۆ وێ یه‌كێ ئه‌م جاره‌كا دی ئێكه‌تیا لاوان ب هێز ڤه‌گه‌ریننه د مه‌یدانا كاری دا .
هه‌ر د وی كونگره‌یی گوت ژی هه‌ر دیسان پشتی په‌رله‌مانێ كوردستانێ پروژه‌یێ مه‌یێ نه‌هێلانا دیاردا مادده‌یێن بێ هوشبه‌ر په‌سه‌ند كری و هه‌ر دیسان راپرسیه‌ك هاتیه ئه‌نجام دان ل دور رێژه‌یا بێكاریێ و ئه‌م دووڤچون و راپرسی یه دێ بۆ په‌رله‌مانێ كوردستانێ هێته بلند كرن و هه‌ر دیسان پلانا شه‌ش هه‌یڤی د ڤێ كومبونێ دا هاته دانان،هه‌ر دیسان ئێكه‌م پێنگاڤا مه پشتی ڤێ كومبه‌نێ ئه‌و بیت ئه‌م ئاماده‌كارین بۆ روژا 18ی شوباتێ بكه‌ین پێخه‌مه‌تی زێده‌تر خزمه‌ت كرنا ته‌خا لاوان.
