سه‌ركرده‌كێ سونى داخوازا چه‌كێ گران بۆ پێشمه‌رگه‌ى دكه‌ت
ئه‌ڤرۆ نیۆز:
سه‌ركردێ د هێزێن هه‌ڤپه‌یمانیا سونیان دا زافر ئه‌لعانى دوپاتكر، پێدڤیه هێزا پێشمه‌رگه‌ى ب چه‌كى قورس و گران بهێته پڕ چه‌ككرن، ب سه‌ده‌ما وان سه‌ركه‌فتنێن دچى داعشێ تۆمار كرین.
زافر ئه‌لعانى دداخویانیه‌كێ بۆ به‌رنامێ (یوم الپامن) دیاركر، هێزێن پێشمه‌رگه‌ى دژى چه‌كدارێن داعشێ شه‌رى دكه‌ن و كار ڤه‌گه‌راندنا ئێمناهى و ته‌ناهیا عیراقێ دكه‌ن، له‌ورا ئه‌و هێز یا هه‌ژیه ب هه‌موو جوره‌كێ چه‌كى بهێته پڕچه‌ككرن ژوان ژى چه‌كێ قورس و گران.
هه‌روه‌سا گۆت: پێشمه‌رگه پشككه ژ سیسته‌مێ به‌ره‌ڤانیا عیراقێ و نوكه دژى داعشێ شه‌رى دكه‌ن، هه‌ژى گۆتنێ یه كو ئه‌ڤه ئێكه‌م داخویانیا كه‌سه‌كێ پایه بلندى سونى یه كو ب ئاشكرایى داخوازا پڕچه‌ككرنا هێزا پێشمه‌رگه‌ى دكه‌ت.
