سه‌ركردێ كه‌تیبا رۆژا باكور: كوبانێ ناكه‌ڤيت و پێشڤه‌چوون یا به‌رده‌وامه
ئه‌ڤرۆ نیۆز:
سه‌ركردێ كه‌تیبا رۆژا باكور یا له‌شكرێ ئازادێ سوریا دوپاتكر، رێكخستنا چه‌كه‌دارێن داعشێ ب هاونان توپبارنكرنا كوبانێ كریه، پشتى چه‌كدارێن وان هاتینه ڤه‌كێشان ژ هنده‌ك خالێن گرنگ و تاخێن رۆژهه‌لاتا باشور ب سه‌ده‌ما شه‌روپێكدادنێن دژوار د ناڤبه‌را هێزێن كوردى و داعشێ ژ ئالیه‌كى ڤه و هێزێن له‌شكرێ ئازادێ سوریا و تیرۆرستێن داعشێ ژ ئالیه‌كێ دیڤه, هه‌روه‌سا ئاماژده‌ا هژماره‌كا زۆر ژ چه‌كدارێن داعشێ هاتینه كوشتن و بریندار كرن.
سه‌ركردێ سورى ئه‌بو له‌یلایێ یێ سه‌ر ب لیوا ئه‌لندا ئازادیێ ڤه گۆت: چه‌كدارێن داعشێ ب ته‌مام هه‌مبه‌رى دربێن كوژه‌ك بێ هێز بوویه و كوشتێن وانا ژى ره‌گه‌زێن بیانى دناڤ دا هه‌نه، خوه‌یاكر، رێژا ئه‌ردێ ل ژێر كونترۆلا داعشێ نها 20 هه‌تا 30% مایه ، هه‌ڤده‌م دیاركر هێش شه‌روپێكدادان د به‌رده‌وامن و خوه‌یاكر كوبانى ناكه‌ڤیت، چونكى به‌رخوه‌دان و به‌ره‌ڤانیه‌كا دیروكى ژ ئالیێ شه‌رڤانێن كورد و له‌شكرى ئازادێ سوریا ڤه دهێته كرن.
هه‌روه‌سا ب ده‌هان چه‌كدارێن داعشێ ته‌رمێن وان ل بن هه‌رفته‌یێن ئاڤاهیه‌كێ دا مان، پشتى كه‌فتینه د بووسه‌كا هه‌ڤپشكا شه‌رڤانێن كورد و له‌شكرێ ئازادێ سورى دا.
