سه‌رۆكێ هه‌رێمێ دێ ل گه‌ل سه‌رۆكێ ئه‌مریكا كۆم بیت
ئه‌ڤرۆ نیوز:
سه‌رۆكایه‌تیا هه‌رێما كوردستانێ د راگه‌هاندنه‌كێ دا ئاماژه ب وێ یه‌كێ كریه كو نێچیرڤان بارزانی، سه‌رۆكێ هه‌رێما كوردستانێ ب داخوازنامه‌كا فه‌رمی دێ پشكداریێ د كۆڕبه‌ندێ ئابووری یێ داڤوس دا كه‌ت كو 21 تا 24 ڤێ هه‌یڤێ دێ هێته سازكرن و ل گه‌ل دونالد تره‌مپ سه‌رۆكێ ئه‌مریكا و ئه‌نتونیو گوتێرێز سكرتێرێ گشتی یێ نه‌ته‌وێن یه‌كگرتی كۆم بیت.
ئاماژه ب هندێ ژی دایه كو د كۆمبوونێن خوه‌دا، سه‌رۆكێ هه‌رێمێ دێ به‌حسێ په‌یوه‌ندیێن هه‌رێمێ ل گه‌ل جڤاكێ نێڤده‌وله‌تی و سیاسه‌ت و هه‌لویستێ هه‌رێما كوردستانێ و گوهۆرینا هزر و بیران سه‌باره‌ت پرسێن هه‌رێمێ و جیهانی به‌حس كه‌ن.
سه‌رۆكێ هه‌رێمێ بڕیاره د كۆنگرێ داڤوس دا، په‌یڤه‌كێ پێشكێش بكه‌ت ل دۆر ( رۆژهه‌لاتا ناڤه‌راست یا نه‌سه‌قامگیر) و تێدا ئاماژه ب ئالوزیێن رۆژهه‌لاتا ناڤه‌راست بكه‌ت كو بووینه ژێده‌رێ ترسه‌كا مه‌زن یا جیهانی و ئه‌قلیمی و دێ ئاماژه ب كارتێكرنا ستراتیژیه‌تا قه‌یرانا نوكه ل سه‌ر ئاشتی و سه‌قامگیریا ل كه‌نداڤ و عیراق و سووریێ كه‌ت.
