سه‌رۆكێ ئه‌مریكا بریارا راوه‌ستاندنا كۆچكرنێ و به‌رنامه‌یێ گرین كارتێ دا
ئه‌ڤرۆ نیوز:
دنالد تره‌مپ سه‌رۆكێ ئه‌مریكا ب ئاوایه‌كێ ده‌مكی بریاره‌كا ئیدارا خۆ بۆ راوه‌ستاندنا كۆچكرن و به‌رنامه‌یێ گرین كارت ئیمزاكر.
لگۆری زانیاریان ئه‌ڤێ پێنگاڤێ چه‌ندین مه‌رج بۆ هاتینه دانان بۆ ده‌مێ 60 رۆژان بهێته بجهكرن و پشكه‌كا داخازكارێن به‌رنامه‌یێ گرین كارتێ كۆ رێكه‌كه بۆ كۆچكرنا خه‌لكی ب گشتی و كرێكاران ب تایبه‌تی بۆ ئه‌مریكا بهێته راوه‌ستاندن.
تره‌مپ ئه‌و چه‌نده‌ژی دیاركر كۆ ئارمانج ژ بریارێ دروستكرنا ده‌لیڤه‌یا كارێ زێده‌تره بۆ ئه‌مریكیان، ره‌خنه‌گر ژی تره‌مپی تومه‌تبار دكه‌ن ب وێ چه‌ندێ كۆ مفا ژ پرسا كورونایێ و كێم بوونا ده‌لیڤه‌یێن كاری بۆ بجهكرنا سیاسه‌تا خۆ یا دژایه‌تیاكرنا كۆچكرنێ بۆ ئه‌مریكا بكار ئینا وه‌ك كارته‌كا فشارێ ل هه‌لبژارتنێن دوماهیا ئیسال دا.
سه‌رۆكێ ئه‌مریكا پشتی ئیمزاكرنا بریارێ راگه‌هاند: بریار پشت راستیێ دده‌ته ئه‌مریكیان ئه‌ڤێن نه‌هاتینه دامه‌زراندن ده‌لیڤه‌یێن زێده‌ترێن كاری پشتی ئه‌ڤێ چه‌ندێ دێ ب ده‌ست كه‌ڤن.
