سه‌رۆكێ حوكمه‌تا هه‌رێما كوردستانێ پێشوازی ل میر و بابه‌شێخێ ئێزدییان كر
ئه‌ڤرۆ:
مه‌سرور بارزانی سه‌رۆكێ حوكمه‌تا هه‌رێما كوردستانێ، دوهی پێشوازی ل میر حازم ته‌حسین به‌گ، میرێ ئێزدییان و بابه‌شێخ عه‌لی شێخ ئالیاس كر.
د دیداره‌كێ دا، سه‌رۆكێ حوكمه‌تێ پێگیریا حوكمه‌تا هه‌رێما كوردستانێ ب خزمه‌تكرنا پتر یا ئێزدییان دوپاتكر، كو وه‌كو هه‌رده‌م پشته‌ڤان و داكۆكیكارێ بهێزێ مافێن وان بیت.
دوپات ژی كر كو حوكمه‌تا هه‌رێمێ هه‌موو بزاڤان دكه‌ت بۆ وێ چه‌ندێ ب هاریكاری و هه‌ماهه‌نگیا حوكمه‌تا فیدرالی و جڤاكێ نێڤده‌وله‌تی، شنگال بهێته ئاڤه‌دانكرن و ئاواره ب سه‌ربلندی ڤه‌گه‌ڕنه جهێن خوه.
میر و بابه‌شیخێ ئێزدییان، سه‌ره‌رای ئاماژه‌دانێ ب گرنگیا بجهئینانا رێككه‌فتنا شنگالێ و ئاسایكرنا ره‌وشا ده‌ڤه‌رێ، سوپاسیا سه‌رۆكێ حكومه‌تێ كر بۆ رازیبوونێ ل سه‌ر كۆمه‌كا پرۆژه‌یێن خزمه‌تگوزاری بۆ ده‌ڤه‌ران وان، ژ وانا ناحیه‌كرنا هه‌دو كۆمه‌لگه‌هێن خانكێ و شاریا ب ناحیه و ئه‌ڤه ژی د چارچوڤێ گوهۆڕنێن ئیداری یێن سنوورێ پارێزگه‌ها دهۆكێ دانه.
هه‌ر دوهی سه‌رۆكێ حكومه‌تا هه‌رێما كوردستانێ پێشوازی ل د. عه‌بدوڵله‌تیف ئه‌حمه‌دی كر
د دیداره‌كێ دا، سه‌رۆكێ حكومه‌تێ، دوپات كر كو پێدڤییه زانایێن ئایینێ، رۆلێ ئه‌رینیێ خوه د هشیاركرنا جڤاكی دا و به‌لاڤكرنا په‌یاما ئاشتیخوازیێ و لێبورینێ و داكۆكیكرنێ ژ ده‌ستكه‌فتێن گه‌لێ كوردستانێ و پاراستنا ئاشتییا نه یا جڤاكی ببینن.
