سه‌رۆكێ حوكمه‌تا هه‌رێما كوردستانێ: دێ كاركه‌م بۆ پشتراستبوونێ ژ سلامه‌تیا په‌نابه‌رێن كورد ل سنوورێن بیلارۆسیا و پۆله‌ندا
ئه‌ڤرۆ:
سه‌رۆكێ حوكمه‌تا هه‌رێما كوردستانێ، مه‌سرور بارزانێ، دلته‌نگیا خوه ل دۆر ره‌وشا په‌نابه‌رێن كورد ل سنوورێ بیلارۆسا و پۆله‌ندا ده‌ربری و راگه‌هاند، باشكرنا ره‌وشا وان، به‌رپرسیاره‌تیا هه‌ڤپشك یا هه‌موویانه.
مه‌سرور بارزانی، د به‌رپه‌رێ خوه ل تۆرا جڤاكی یا تویته‌ری دا په‌یامه‌ك به‌لاڤكر و راگه‌هاند” گه‌له‌ك یێ دلته‌نگم ژبه‌ر ره‌وشا وه‌لاتییِن مه و هه‌موو ئه‌وێن نوكه ل سه‌ر سنوورێن ئێكه‌تیا ئه‌ورۆپا، باشكرنا ره‌وشا وان به‌رپرسیاره‌تیه‌كا هه‌ڤپشك یا مه هه‌موویانه”.
رۆهنكر ژی” ئه‌و ژلایێ قاچاخچی و بازرگانێن مرۆڤان و چه‌ند تۆرێن ده‌ره‌كی هاتینه سه‌ردابرن”.
سه‌رۆكێ حوكمه‌تا هه‌رێمێ دیاركر ژی كو دبزاڤان دایه بۆ پشتراستبوونێ ژ سلامه‌تی و ئێمناهیا وان وه‌لاتیێن ل ده‌ڤه‌رێن سنووری دناڤبه‌را بیلارۆسیا و پۆله‌ندا و گۆت” ل گه‌ل هه‌ڤپشكێن مه د په‌یوه‌ندیێ دامه و كار دكه‌م بۆ پشتراستبوون ژ سلامه‌تی و ئێمناهیا وان وه‌لاتیان”.
