سه‌رۆكێ هه‌رێما كوردستانێ ب هەلکەفتا سه‌ر سالا ئێزدیان پەیامەک بەلاڤکر
ئەڤرۆ نیوز:
د پەیامەكێدا ب هەلكەفتنا سەرسالا ئێزدیان، نێچیرڤان بارزانی، سەرۆكێ هەرێما كوردستانێ پیرۆزباهی ل تەڤایا ئێزدیێن كوردستانێ و جیهانێ كریە و تەكەز كر، دێ ل سەر بزاڤێن خوە ژبۆ ب پارێزگەهكرنا شنگالێ بەردەوام بین.
دەقێ پەیاما سەرۆكێ هەرێما كوردستانێ ب هەلكەفتنا جەژنا سەرسالا ئێزدیان:
جه‌ژنا سه‌ر سالا ئێزدیان ل هه‌موو خوشك و برايێن مه يێن ئێزدى ل كوردستانێ و ل هه‌ر جهەکێ ل جیهانێ بن، ب تايبه‌تى ژى سه‌ر سالا كه‌سوكارێن قوربانى يێن ده‌ستێ تيرۆرێ و يێن كو هێشتا د كه‌مپێت ئاواره‌يێ دانه پيرۆز دكه‌م، هيڤيدارم جه‌ژن و هه‌لكه‌فت و بيرهاتنێن مه يێت بهێن، د ره‌وشه‌كا باشتر دا ڤه‌گه‌رن.
ئەڤ سالە جه‌ژن د ده‌مه‌كێدا ڤه‌دگه‌ريت، كو كوردستان ژى وه‌كی هه‌موو جيهانێ کەفتيه ل ژێر باندۆرا كۆرۆنا يێ، هه‌روسا هێشتا چاره‌نڤيسێ ب هزاران خوشك و برايێن مه يێن ئێزدى يێت قوربانى يێن ده‌ستێ تيرۆرێ نه یێ ديارە، د ڤێ ره‌وشێدا دڤێت ئه‌م هه‌موو پێگيرى رێنمايێن ساخلەمیێ بين و خوە بپارێزين.
ب ڤێ هه‌لكه‌فتێ جاره‌كا دى ئه‌م خوشك و برايێن خوە يێن ئێزدى پشتراست دكه‌ين، كو هندى خوشك و برايه‌كێ مه يێ ئێزدى وندا مابیت، چ پێدڤیە دێ كه‌ين داكو تشته‌كی ژ چاره‌نڤيسێ وان بزانين و رەڤاندى يێت مايى ژى رزگار بكه‌ين، دێ ل سه‌ر بزاڤێن خوە ژى بۆ ب پارێزگه‌هكرنا شنگالێ و ئاڤه‌دانكرنا ده‌ڤه‌رێن ئێزديان به‌رده‌وام بين.
جه‌ژن و سه‌ر سالا هەوه پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
14/4/2020
