سه‌رۆك بارزانى: رێیا خوه‌راگیریا كوبانێ پشته‌ڤانیا چه‌كى و تێكگه‌هشتنه
ئه‌ڤرۆ نیۆز:
سه‌رۆك بارزانى د هه‌ڤدیتنه‌كا تایبه‌ت بۆ رۆژناما بێلد یا ئه‌لمانى گۆت: كا چه‌وا مه داخواز ژ جڤاكێ نێڤده‌ولى بۆ پشته‌ڤانى و هاریكاریا هه‌ولێرێ كریه، هه‌ر وه‌سا ئه‌و پشته‌ڤانى و هاریكارى بۆ كوبانێ ژى مه داخواز كریه، ئاماژه‌دا هندێ ژى شه‌رڤانێن به‌ره‌ڤانیێ ژ باژێرێ كوبانێ دكه‌ن پێدڤى ب هاریكاریه‌كا مه‌زن هه‌یه. و پێدڤیه ل سه‌ر جڤاكێ نێده‌ولى پتر وان هاریكاریان ب شه‌رڤانان ب هنێرن، داكو چه‌كدارێن داعشێ كوبانێ كونترۆل نه‌كه‌ن.
هه‌روه‌سا سه‌رۆك بارزانى گۆت: ب باوه‌ریا من داعش بتنێ گه‌فا ل سه‌ر كوردان نینه، به‌لگى گه‌فا ئێمناهیا هه‌موو ده‌ڤه‌رى و جیهانێ یه، بارزانى دوپاتكر، پێدڤیه هه‌ماهنگى بۆ ژناڤبرن و بنبڕكرنا ژێده‌ر و پشته‌ڤانیا دارایى یا داعشێ ب هێته‌كرن، رێ ل هه‌مبه‌رى هاتنا چه‌كدراێن وان بۆ عیراقى و سوریا بهێته گرتن.
سه‌باره‌ت هه‌لویستێ توركیا سه‌رۆكێ هه‌رێما كوردستانێ گۆت: نابیت شه‌رێ دژى داعشێ ل گه‌ل به‌رژه‌وه‌ندیێن جیوسیاسى بهێنه تێكه‌لكرن، چونكى كوردان ڤیایه ب ئاشتى ل گه‌ل توركیا بژین، مه پرانسیبێن هه‌ڤشك هه‌نه، دڤێت ئه‌م پێكڤه دژى گه‌فێن داعشێ راوه‌ستین.
لدۆر هنارتنا و گرنگیا هێزێن په‌یاده، بارزانى گۆت: كوردستانێ پێدڤى ب زێده‌ركرنا هژمارا سه‌بازان نینه، ئه‌م ب پێشمه‌رگه‌ى مه شیانێن وى شه‌رى هه‌نه، هه‌كه چه‌ك و راهێنانێن پێدڤى بوو هه‌بن، به‌لێ ل سوریا گه‌له‌ك یا ب زحمه‌ته، دڤێت ستراتیجیه‌ته‌كا باشتر ل وێ ده‌ڤه‌رێ هه‌بیت، و تێگه‌هشتنه‌كا مه‌زن هه‌بیت، بۆ ژناڤبرنا داعشێ ل سوریا، یا كو ئه‌م پێدڤى چه‌كێ پێشكه‌فتى یه، ئه‌م پێدڤى ب تانك و مووشه‌ك و زریپۆشان و مووشه‌كێن تانكبڕ هه‌یه، پێدڤیه ل سه‌ر هه‌ڤپه‌یمانیا شه‌رێ دژێ داعشێ برێڤه دبه‌ت پشته‌ڤانیا مه بكه‌ن.
