سه‌رۆك بارزانى: پێشمه‌رگه و حكومه‌تا هه‌رێمێ پشته‌ڤانێن شنگالێ نه
ئه‌ڤرۆ نیوز:
سه‌رۆكێ هه‌رێما كوردستانێ پێشوازى ل فۆمیۆ نیوا بالیۆزێ ژاپۆنێ ل عیراقا فیدرال و شاندێ ل گه‌ل دا كر.
د دیداره‌كێ دا، بالیۆزێ ژاپۆنێ خوه‌شحالیا خوه ب دیدارا سه‌رۆكێ بارزانى ل نزیك به‌رۆكێن شه‌ری ده‌ربڕى پیرۆزباهی ل سه‌رۆك بارزانى ب هه‌لكه‌فتنا ئازادكرنا ژ ده‌ستێ داعش ژ لایێ پێشمه‌رگێ كوردستانێ ڤه و ئاماژه ب وێ یه‌كێ كر كو وه‌لاتێ وى گرنگیه‌كا مه‌زن ب ئاسایش و سه‌قامگیریا عیراقێ و رۆژهه‌لاتا ناڤین دده‌ت و هه‌رێما كوردستانێ رۆله‌كێ به‌رچاڤ د سه‌قامگیریا ده‌ڤه‌رێ دا یا هه‌ى.
د هه‌مبه‌ر دا، سه‌رۆك بارزانى سوپاسیا هه‌لویستێ حوكمه‌تا ژاپۆنێ كر و راگه‌هاند كو ژ به‌ر شه‌ڕ و كاره‌ساتان پتریا شنگالێ یا وێران بووى و پێدڤییه كار بۆ ئاڤاكرن و پاراستنا وێ ده‌ڤه‌رێ ژ گه‌فان بهێته كرن و ژ ڤى لایى ڤه هێزا پێشمه‌رگه‌ی و حوكمه‌تا هه‌رێما كوردستانێ، پشته‌ڤانێن خه‌لكی و ده‌ڤه‌را شنگالن و گۆت:(بێى سه‌قامگیرى، ده‌ڤه‌ر پێشكه‌فتن و وه‌رارێ ب خوه ڤه نابینیت).
هه‌ر د ڤێ دیدارێ دا، رێیێن روو ب رووبوونا توندره‌ویێ و چاره‌كرنا قه‌یرانا سیاسى یا عیراقێ گه‌نگه‌شه كرن و به‌حسێ په‌یوه‌ندى و هه‌ماهه‌نگیێ د وارێ ئابوورى و وزه و كاره‌بێ د ناڤبه‌را هه‌رێما كوردستانێ و ژاپۆنێ دا كر.