سه‌رۆك بارزانى پێشوازی ل شانده‌كێ كۆربه‌ندا بحرالعلوم كر
سه‌رۆك مه‌سعود بارزانى دوهى ل سه‌لاحه‌ددین پێشوازی ل شانده‌كێ كۆربه‌ندا بحرالعلوم ب سه‌رۆكاتیا د. ئیبراهیم بحر العلوم كر.
د دیداره‌كێ دا دانوستاندن ده‌رباره‌ی گرنگیا بهێزكرن و گه‌شه‌پێدانا كولتووری و پێكڤه‌ژیان و پرنسیپێن دیالۆگێ بۆ چاره‌سه‌ركرنا ئاریشان هاتنه كرن.
ژ لایێ خوه ڤه شاندێ مێهڤان ئاماژه دا په‌یوه‌ندیێن دیرۆكى د ناڤبه‌را سه‌رۆك مه‌سعود بارزانى و كه‌ساتیا مه‌زنا عیراقێ خودێ ژێ رازى محه‌ممه‌د به‌حرولعلوم دا، پێزانینین خوه بۆ رۆلێ دیرۆكى یێ سه‌رۆك بارزانى بۆ گه‌شه‌پێدانا كولتووری و پێكڤه‌ژیان و بنه‌مایێن دیالۆگێ بۆ چاره‌سه‌ركرنا ئاریشان هاتنه كرن، كو سه‌رۆك بارزانى وه‌ك سه‌ركرده‌كێ دیرۆكى و مه‌رجه‌عێ سیاسى رۆلێ خوه د چاره‌سه‌ركرنا ئاریشان دا ببینیت.
هه‌ر د وێ دیدارێ دا دانوستاندن ل دۆر ره‌وشا سیاسیا عیراقێ و پێشهات و گوهۆرینان كرن، ده‌رباره‌یى ئاریشێن د ناڤبه‌را هه‌رێما كوردستانێ و حوكمه‌تا فیدرالا عیراقێ دا، دوپاتى ل سه‌ر دیالوگا هه‌موو ئالیان ل سه‌ر بنه‌مایێن دستوورى هاته كرن.
هه‌ر دوهى سه‌رۆك بارزانى پێشوازی ل ماتیۆ توله‌ر، بالیۆزێ ئه‌مریكا ل عیراقێ كر و د دیداره‌كێ دا ره‌وشا سیاسى یا عیراقێ و دووماهى گوهۆڕین و پێشهاتێن ناڤ پرۆسا سیاسى یا عیراقێ گه‌نگشه كرن.
