سه‌رۆك بارزانى: ژبه‌ر پاراستنا ئێمناهیا خوه وه‌لاتێن رۆژئاڤا پشته‌ڤانیا كوردان دكه‌ن
ئه‌ڤرۆ نیۆز:
سه‌رۆكێ هه‌رێما كوردستانێ مه‌سعود بارزانى د هه‌ڤدیتنه‌كا تایبه‌ت دا راگه‌هاند، دۆرپێچا داعشێ ل كوبانێ رێ ل هه‌مبه‌رى هه‌رێما كوردستانێ گرتیه هاریكارى بۆ كوبانێ نه هێنه هنارتن، ئاماژه‌دا هندێ پشبه‌ستنا مه بۆ هنارتنا هاریكارى و به‌رسینكگرتنا داعشێ ل سه‌ر وه‌لاتێ توركیا بوو.
سه‌رۆك بارزانى بۆ سكاى نیۆز گۆت: بۆ پاراستن و سه‌قامگیریا خوه و هنده‌ك ئه‌گه‌رێن سیاسى و له‌شكرى وه‌لاتێن رۆژئاڤا هاریكاریا كوردێن عیراقێ دژى داعشێ كریه، هه‌ر سه‌باره‌ت كوبانێ سه‌رۆك بارزانى دیاركر، هه‌كه هه‌رێمێ هێزه‌كا ئه‌سمانى ل به‌ر ده‌ست هه‌با وان هاریكاریان دا ب رێیا ئه‌سمانى بێى گیروبوون دا بۆ كوبانێ هنێریت.
هه‌روه‌سا سه‌رۆك بارزانى ئاماژه‌دا هندێ وى پێشبینى دكر وه‌لاتێ توركیا پتر پشته‌ڤانى و هاریكاریا هه‌رێما كوردستانێ بكه‌ت، بتایبه‌تى دده‌مێ هێرشكرنێن داعشێ ل سه‌ر هه‌ولێرێ.
سه‌رۆك بارزانى ئه‌و چه‌نده ژى ئاشكراكر، كارێ راپرسیا ل سه‌ر سه‌ربخوه‌یا هه‌رێما كوردستانێ ل گه‌ل كه‌ركووكێ چو پاشڤه‌چوون تێدا نینه، هه‌تا نها شه‌رێ داعشێ ل به‌راهیا كارێن مه بیت ژى.
دیسان سه‌رۆك بارزانى پێگیریا ب هاریكاریا حوكمه‌تا عیراقێ یا نوو ب سه‌رۆكاتیا حه‌یده‌ر عه‌بادى سه‌ره‌راى دودلیێن كوردان ل سه‌ر هنده‌ك بابه‌تان دوپاتكر.
