سه‌رۆك بارزانی: ئالایێ كوردستانێ هێمایێ ئێكگرتنا گه‌لێ مه‌یه
ئه‌ڤرۆ:
سه‌رۆك مه‌سعود بارزانی ب هه‌لكه‌فتا رۆژا ئالایێ كوردستانێ په‌یامه‌ك به‌لاڤكر و راگه‌هاند، ئالایێ كوردستانێ هێمایێ ئێكگرتنا گه‌لێ مه‌یه.
سه‌رۆك بارزانی د په‌یاما خوه دا گۆت” ب هه‌لكه‌فتا رۆژا ئالایێ كوردستانێ گه‌رمترین پیرۆزباهیێن خوه ئاراسته‌ی مالباتێن شه‌هیدان و پێشمه‌رگێن قه‌هره‌مان و هه‌مووه وه‌لاتیێن خوه‌شتڤیێن كوردستانێ دكه‌م”.
گۆت ژی” ئالایێ كوردستانێ هێمایێ ئازادیخوازی و قوربانیدان و ئاشتیخوازیا گه‌لێ كوردستانێ یه و ژ پێخه‌مه‌تی وی خوین و قوربانیه‌كا مه‌زن دایه، ئالایێ كوردستانێ بهایه‌كێ هه‌ڤپشك و هێمایێ ئێكگرتنا گه‌لێ مه‌یه. ئه‌ڤ ئالایه مولكێ تاك تاكێ وه‌لاتیێن كوردستانێ یه، و سه‌ره‌رای هه‌بوونا بیر و بۆچوونێن جودا، د بن سیبه‌را وی ئالای دا، ئه‌م هه‌موو د سه‌ربلندین و خودان شانازی و ناسنامه‌ینه، ل رۆژا ئالایێ كوردستانێ پێداگیریێ ل په‌یاما ئاشتیخوازانه و پێكڤه‌ژیانا گه‌لێ كوردستانێ دكه‌ین”.
