سه‌رۆك وه‌زيرێن عيراقێ دێ ل گه‌ل فراكسيۆنێن كوردستانى كۆم بيت
ئه‌ڤرۆ نيوز:
بڕياره ئه‌ڤرۆ رۆژا دوشه‌مبى 20ى گۆلانا 2019ێ عادل عه‌بدولمه‌هدى، سه‌رۆك وه‌زيرێن عيراقێ ل گه‌ل سه‌رۆك فراكسيۆنێن كوردستانى ل جڤاتا نوونه‌رێن عيراقێ كۆم بيت و كۆمبوون ژى ل سه‌ر داخوازيا “عادل عه‌بدولمه‌هدى” يه.
ب گۆره‌ى پێزانينێن ئه‌ڤرۆ نيوز ئه‌ڤ كۆمبوونه ل سه‌ر داخوازيا عادل عه‌بدولمه‌هدى يه و دێ چه‌ند ته‌وه‌ران ب خوه ڤه‌گريت و زێده‌تر ژى گرێداى ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ نه وه‌كو سۆتنا گه‌نمێ جۆتياران ژ لايێ چه‌كدارێن داعش و لڤينێن وان و روودانێن په‌لكانه و داگيركرنا ئه‌ردێ جۆتيارێن كورد بيت.
هه‌رديسا دێ به‌حس ل مه‌زاختنا پارێ گه‌نمێ جۆتيارێن هه‌رێما كوردستانێ ژى هێته كرن و دهێته پێشبينكرن چه‌ند بابه‌تێن دژى بهێنه گه‌نگه‌شه‌كرن.
