سه‌لاح خه‌يري: ئه‌ز يێ خوه بۆ گه‌له‌ريه‌كێ ئاماده دكه‌م
سه‌لاح خه‌يري وێنه‌گره‌كێ باژێرێ دهۆكێ يه، ل دۆر ده‌ستپێكا خوه يا كارێ وێنه‌گريێ بۆ ئه‌ڤرۆ گۆت: ده‌ستپێكا من يا كارێ فوتۆگرافي ڤه‌دگه‌ريته سالا 2000 ده‌مێ من ل نڤێسينگه‌هه‌كا كارێن هونه‌ري كارێ فوتۆي دكر، ناڤبري زێده‌تر دبێژيت: هه‌تا نهۆ من پشكداري د چه‌ندين پێشانگه‌هێن نێڤ ده‌وله‌تي دا كريه، و ل سالا 2003 ئه‌ز بوومه وێنه‌گر ل پشكا راگه‌هاندنێ ل سه‌روكاتيا زانكۆيا دهۆكێ.
هه‌روه‌سا ناڤهاتي ئاماژه داوێ چه‌ندێ ژي كو وي كارێ وێنه‌گريێ بۆ چه‌ندين ده‌زگه‌هێن راگه‌هاندنێ كريه و گۆت: نهۆ ئه‌ز ل وه‌لاتێ كه‌نه‌دا دژيم و ل ڤێرێ ژي ئه‌ز به‌رده‌وام كۆرسێن تايبه‌ت ل سه‌ر كارێ فوتۆگرافي وه‌ردگرم و ئه‌ز ب فه‌رمي به‌رپرسێ كارێ وێنه‌گرتنێ مه ئانكو K U A C) ) د كۆمه‌لا گه‌نجێن كورد دا ل كه‌نه‌دا.
ل دووماهيێ ناڤهاتي گۆت: ئه‌ز يێ كارێ خوه ل گه‌ل هنده‌ك بسپۆران بۆ گه‌له‌رياOttawa) ) يا كه‌نه‌دي ئاماده دكه‌م.
