سه‌لام مشیر: كارێ راگه‌هاندنێ نه یێ ب ساناهی یه
ئاكرێ، ره‌مه‌زان زه‌كه‌ریا:
مه‌دیاكار (سه‌لام مشیر) د دیداره‌كێ دا بۆ رۆژناما ئه‌ڤرۆ گۆت: ب دیتنا من كارێ راگه‌هاندنێ یێ ب ساناهی نینه، تایبه‌ت ژی هه‌كه ده‌زگه‌هه‌ك خودان به‌رنامێن ڤه‌گوهاستنا بوویه‌ر و چالاكی و هه‌موو كار و روودانێن تایبه‌ت و گشتی بیت ب زه‌حمه‌ت تره، ژبه‌ركو دڤێت چو روودان و كاودانێن ناڤخۆیی و جیهانی وه‌ك په‌یامنێر ژته ده‌رباز نه‌بن، له‌و دبێژم كارێ نوكه یێ مه ل وارا كلتۆری و هونه‌ری ژلایێ كاركرن و ئه‌دا و ل سه‌ر خوبوونا كاری ب ساناهی تره و ده‌رفه‌تا كارێ كوالیتی و دووڤچوونا بابه‌تێن سه‌رنجراكێش تر هه‌یه.
هه‌روه‌سا گۆت: كه‌نالێ وار یێ نوكه كاره‌كێ تایبه‌ته و جودایه ژ كارێن وارا به‌ری نوكه، و هه‌ر ملله‌ته‌ك شانازیێ ب كلتۆر و هونه‌رێ خوه دبه‌ت و گرنگیێ دده‌تێ ، له‌ورا وارا نوكه كو ئێكه‌م ده‌زگه‌هێ راگه‌هاندنا كوردی یه تایبه‌ته ب دیاركرن و به‌رچافكرنا دابونه‌ریت و كلتۆر و هونه‌رێ كوردی، نوكه شیایه وێ ڤالاهیێ پربكه‌ت، و ئه‌م ل گه‌ل چه‌ند هه‌ڤالێن دی وه‌كو په‌یامنێر كاری ژبۆ وێ چه‌ندێ دكه‌ین كو به‌رنامه و فیچه‌رێن جودا و سه‌رنجراكێش چێكه‌ین.