سه‌لیقه
دلێ ژ داخوازان تژی
چ خوه‌شیان نا حه‌وینت
چاڤێن ژ بینانێ مرین
جوانیا دلنازێ نابینت
كلۆخێن ڤاله ژ مێشكی
هه‌ست و باوه‌ریا نا خوینت
لاندكا میرو پادشاهان
چ سێوییان نا هه‌ژینت
چه‌ند پێ بێژن لایێ لایێ
ئه‌ڤ سه‌لیقه نا نڤینت
گه‌ر گه‌ورییا هشك و زوها
قوڕچه‌ك ئاڤێ بۆ نه‌مینت
ئه‌و ته‌مه‌نێ بۆری ب دۆزه‌خ
جه‌وا دووكێل بترسینت !
یان چه‌په‌رێ سۆزداره‌كێ
خوه ب خوینێ نه خه‌ملینت !
ڕۆژ بئێن لاپه‌ر ژ خامه‌یێ جه‌ووت
داركه‌له‌مكێ شاش نه‌شكینت
وێره‌ك نه‌بت په‌یاما له‌نگ
ب درستی ڕابگه‌هینت
سیتار ببن شان و به‌رنیاس
دووڕی بێت په‌سنا ب خوینت
نۆژدار بڕه‌ڤن ژ ده‌ردێ دلا
كی دێ برینا كه‌وینت ؟.
شعر
له‌زگین گراڤی
