سوباهى لژنا راستڤه‌كرنا دستوورێ عيراقێ دێ ئێكه‌م كۆمبوون ئه‌نجامده‌ت
ئه‌ڤرۆ نيوز:
سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ و ئه‌نداما لژنا راستڤه‌كرنا دستوورێ عيراقێ راگه‌هاند، سوباهى سێشه‌مبى 12/11/2019 ل به‌غدا لژنا راستڤه‌كرنا دستوورى دێ ئێكه‌م كۆمبوونا خوه ئه‌نجامده‌ت.
ڤيان سه‌برى، سه‌رۆكا فراكسيۆنا پارتى ديموكراتى كوردستان ل په‌رله‌مانێ عيراقێ گۆت” ب پشكداريا 18 ئه‌ندامان، لژنا راستڤه‌كرنا دستوورێ عيراقێ دێ ئێكه‌م كۆمبوون ل به‌غدا ئه‌نجامده‌ت”.
گۆت ژى” ئێكه‌م كۆمبوونا لژنا ناڤبرى دێ بۆ رێكخستنا كاران بيت و هژماره‌كا كه‌سايه‌تيێن ئه‌كاديمى و قانوونى ژى دێ پشكداريێ د كۆمبوونێ دا كه‌ن”.
ل دۆر وان مادێن كو دخوازن راستڤه‌كرن د دستوورى دا، ڤيانێ گۆت” هه‌تا نوكه ئه‌وا هه‌ى هزره و به‌حس ل هيچ ماده‌كێ نه‌هاتيه كرن”.
