سوبەهی جینۆسایدكرنا بارزانیان دێ هێتە ساخكرن
هەولێر، قائید میرۆ:
43 سالیا جینۆسایدكرنا بارزانیان سوبەهی دێ هێتە ساخكرن و بەرپرسەكێ وەزارەتا شەهیدان ژی دبێژیت: جینۆسایدكرنا هەشت هزار مرۆڤێت بارزانی تاوانەكا مەزن بوو دەرهەقی وەلاتیێن سڤیل هاتیە ئەنجامدان.
كەریم كاوە، رێڤەبەرێ گشتیێ شەهید و ئەنفالكریان ل ئیدارەیا سەربخۆ یا سۆران بۆ رۆژناما ئەڤرۆ دیاركر، سوبەهی رۆژا پێنجشەمبی 30/7/2026 ل ئیدارەیا سەربخۆ یا سۆران رێورەسمەك بۆ رێزگرتن ل شەهیدێن جینۆسایدكرنا هەشت هزار بارزانیان دێ هێتە گێڕان و تێدا بەرپرسێن حزبی و حوكمەتێ و كەسوكارێن شەهیدان پشكدار بن.
كەریم كاوە گۆت: «حوكمەتا نوكە یا ئیراقێ میراتگرا حوكمەتێن بەرێ یە، بەلێ یا بەرهەڤ نینە، ل گورەی قانوونێ كەسوكارێن جینۆسایدا بارزانیان و هەموو تاوانێن دی ژی قەرەبوو بكەت، هەتا یا بەرهەڤ نینە داخوازا لێبۆرینێ ژ گەلێ كورد بكەت، هەمبەر ئەڤان تاوانێن هوڤانە یێن دژی مللەتێ كورد ئەنجامداین، تاوانا جینۆسایدكرنا هەشت هزار مرۆڤێت بارزانی ئێك ژ تاوانێن رەش و مەزن یێن رژێما وی دەمی یا ئیراقێ بوو».
