سوبە كارتا ئەلكترۆنی یا ئاهێن خوارنێ دێ هێتە كاراكرن
ئەڤرۆ
رێڤەبەریا رێكخستنا پلێتێن ئاهێن خوارنێ ل دهۆكێ دیار كر، سوبە دەست ب كاراكرنا پلێتا ئەلكترۆنی یا ئاهێن خوارنێ دێ هێتە كرن و هەر كارتەكا نەهێتە كاراكرن، ئاهێن خوارنێ دێ ژێ هێنە راوەستاندن.
رێڤەبەریا رێكخستنا پلێتێن ئاهێن خوارنێ ل دهۆكێ ئاگەهداریا وەلاتیێن بنگەهێن ئاهێن خوارنێ ل سەنتەرێ دەڤەرداریا دهۆكێ دكەت، سوبەهی رۆژا سێشەمبی 16/5/2023 دەست ب كاراكرنا پلێتا ئەلكترۆنی یا ئاهێن خوارنێ ل ڤان قوتابخانان دێ هێتە كرن.
بنگەه و قوتابخانە ژی ئەڤەنە:
بنگەهێ 231 كارتێن وان ل (قوتابخانا بلند یا بنەرەت، قوتابخانا بەدلیسی و قوتابخانا لەپزێرین ل نزاركێ) دێ هێنە كاراكرن.
بنگەهێ 232 كارتێن وان ل (ئامادەیا جەگەرخوین یا كچان، قوتابخانا سییەنا یا بنەرەت و قوتابخانا سەرۆك یا بنەرەت) دێ هێنە كاراكرن.
بنگەهێ 233 كارتێن وان ل (ئامادەیا شالین یا كچان، قوتابخانا خەبات و قوتابخانا ڤەژین یا بنەرەت) دێ هێنە كاراكرن.
بنگەهێ 234 كارتێن وان ل (ئامادەیا دهۆك یا كچان، قوتابخانا زڤڕین یا بنەرەت و قوتابخانا رێزان 2) دێ هێنە كاراكرن.
رێڤەبەریا رێكخستنا پلێتێن ئاهێن خوارنێ ل دهۆكێ خویا كریە كو هەر وەلاتیەك یێ ئازادە بچیتە هەر بنگەهەكێ نێزیكی وی بیت پلێتا خوە كارا بكەت.
