سوننەیێن ئیراقێ هەڤپەیمانییەكا نوو پێكئینا
هەڤپەیمانییا (سیادە) یا عەرەبێن سوننەیێن ئیراقێ راگەهاند، سەركردەیێن سیاسی یێن سووننە دێ هەڤپەیمانییەكێ پێكئینن، هەروەسا دیاركر، ل دەمەكێ نێزیك دێ بەرنامەیێ كارێ وێ هەڤپەیمانیێ ئاشكرا كەن.
هەڤپەیمانییا سیادە بەیاننامەیەك بەلاڤكر و تێدا ئاماژە ب وێ چەندێ كر» سەركردەیێن سوننی كو هەر ئێك ژ مەحمود مەشهەدانی، سەرۆكێ جڤاتا نوونەرێن ئیراقێ، خەمیس خەنجەر، سەرۆكێ هەڤپەیمانییا سیادە، موسەننا سامەرائی، سەرۆكێ هەڤپەیمانییا عەزم، ئەحمەد جبووری، سەرۆكێ پارتا جەماهیر و زیاد جەنابی، سەرۆكێ فراكسیۆنا دەستپێشخەری د كۆمبوونەكا گرتیدا كو ل بەغدایێ هاتیە ئەنجامدان (هەڤپەیمانییا سەركردایەتییا ئێگرتییا سوننی) پێكئینا».
هەڤپەیمانییا سیادە د بەیاننامەیا خوە دا باس ل وێ چەندێ ژی كر» د دەمەكێ نێزیكدا دێ بەرنامەیێ كاری سیاسیێ وێ هەڤپەیمانییا نوو هێتە ئاشكراكرن».
رۆهنكر ژی» هەڤپەیمانییا نوو دخوازیت سەركردایەتییا دەستكەفتێن مرۆڤایەتی، قانوونی و سیاسی و مافێن پێكهاتەیێ سوننی ل هەموو ئیراقێ بكەت ب تایبەت ل پارێزگەهێن باكوور و رۆژئاڤایێ وی وی وەلاتی» .
