سووریێ نەڤێت ببیتە پشکەک ژ ئالۆزیێن نها ل دەڤەرێ
ئاژانسا سکای نیوز پشکا عەرەبی د راپۆرتەکێ دا ئاماژە ب ڤێ یەکێ کریە حوکمەتا سووریێ د چەند رۆژێن بۆری دا کۆمبوونەکا تایبەت ل دۆر رۆل و کاریگەریا گرۆپێن چەکدار یێن سەر ب ئیرانێ کریە و د کۆمبوونێ دا بریار هاتیە دان سووریێ ژ کاریگەریا گرۆپێن سەر ب ئیرانێ قورتال بکەن و ئێدی وان گرۆپان چ رۆل ل سووریێ نەبیت، چونکی هەکە نها رێگری ل گرۆپێن چەکدار یێن سەر ب ئیرانێ نەهێتە کرن ئەو دێ سووریێ ژی وەکو لوبنانێ کەنە مەیدانا شەڕەکێ نوو و ژ بەر ڤێ یەکێ ژی بریار هاتیە دان کار بۆ لاوازکرنا رۆلێ گرۆپێن چەکدار بهێتە کرن.
هەمان ئاژانسێ ئەو یەک ژی دیار کریە، ب فەرمانا بەشار ئەسەدی لیژنەکا تایبەت دێ کار کەت گرۆپێن چەکدار یان دەست ژ چەکێ خوە بەردەن یان ژی ببنە پشکەک ژ لەشکرێ سووریێ و رۆسیا ژی پشتەڤانیێ ل بزاڤێن سووریێ دکەت.
