سوپاس پارێزگارێ دهۆكێ
نەهلا ئەحمەد
پارێزگارێ دهوكێ د. علی تەتەر سەلماند كۆ پشتەڤانێ سەرسەختێ وەرزشێ یە، وەك ئەم هەمی خەلكێ پارێزگەهێ دزانین د ئەڤ سالە دا دهۆك بۆ خۆدانا زورترین ناسناڤێن وەرزشی هەر ژ یارییا فوتبۆلێ، فوتسالێ، پایسكلان، تێنسێ، تیكۆنجتسۆ، تایكواندۆیێ و كیكبۆكسینك كو ب راستی ژی ئەڤ دەستكەفتە هەمی د ماوەیێ ئێك سال دا بدەستڤە بهێن جهێ شانازییا مە یە ب تایبەت وەرزشڤانان، ژ بەركو ئەڤ دەستكەفتە دماوەیێ سالەكێ دا ب ساناهی ناهێن تایبەتی یا ئەز دزانم هندەك یانەیان پشكداری د یاریێن ناڤهاتی دا كربوو و سەرەرای هندێ ژ لایەنێ ماددی ڤە چ داهات نەبوو، لێ ب راستی ژی دڤێت ئەم ل ڤێرێ رولێ پارێزگارێ دهۆكێ د. علی تەتەر بەرچاڤ وەربگرین كۆ ئەو هەمی دەمان دگەل ئەڤان یانەیان بۆ وەكو ئێكەم كەس و پشتەڤانێ ئێكێ كۆ ئەڤەژی ببۆ جهێ دلخوشیا پشتەڤانێن وەرزشی و وەرزشڤانان ژی و هەر یانەیەكا ناسناڤ بدەستخۆڤە ئینایی جەنابێ پارێزگەری ئەو یانە ب هەمی ستاڤ ڤە ب ماددی خەلاتكرن كو ئەڤەژی بۆیە پپشتەڤانیەك زۆر باش بۆ ئەوان یانە و یاریزانان پتر خۆ ماندی بكەن ژ بۆ بەردەمبوون ل سەر برنا ناسناڤان و مەعنەوی ژی پشتەڤانیا هەمی یانەیێن پارێزگەهێ كرییە بەلگە ژی بۆ ڤێ گوتنا من جەنابێ ناڤبری ل چەندین یارییان بەرهەڤ دبوو وەكو پشتەڤان، ئەڤە دبیتە جهێ دلخوشیا رێڤەبەرییا یانەیان و یاریزانان و پشتەڤانان كو پارێزگار بەرهەڤ ببیت و پشتەڤانیا یاریزانان بكەت و پشتەڤانیێ نە ب تنێ ل ئێك یاری دكەت ئانكۆ پشتەڤانێ هەموو یاریزانێنە، د گەلەك كونگرەیێن خۆ یێن رۆژنامەڤانی دا دیار دكەت كو ئەو ب هەمی شیانێن خۆڤە دگەل هەمی یانەیان دێ هاریكار بیت پێخەمەت پێكڤە وەرزشێ ل پارێزگەها دهۆكێ بگەهینیتە گۆپیتكێ و دهۆك ببیتە مەزنترین باژێرێ وەرزشی ل هەرێما كوردستانێ، بێ گومان ئەڤەژی جهێ دلخوشیا هەر وەرزشڤانەكی یە كەسێ ئێكێ ل باژێری پشتەڤان بیت دبیتە ئەگەرێ هندێ وەرزشڤان پتر خۆ ماندی بكەن و دەستكەفتا بدەستخوڤە بینن، ژ چالاكیەكا دی یا زور گرنگ ب سایا سەرێ وی كو ب جانترین كەرنەڤال دەست ب ڤەكرنا خولا ستێرێن ئیراقێ ل وەرزێ بوری ل یاریگەها دهۆك هاتە كرن كو ئەڤەژی دبیتە مێژوو ژ بەركۆ بۆ ئێكەم جار ل باژێرەكێ كوردستانێ ئەڤە بهێتە كرن جهێ شانازیێ ییە بۆ مە هەمی كوردان وتایبەت وەرزشڤانان كو د وی رێورەسمی ژی دا چەندین كەسایەتیێن بلند یێن وەرزشی هاتنە پارێزگەها دهۆك، لدووماهیێ دبێژم هیڤیە بازرگانێن دهۆك ژی وەكو د. علی تەتەر ببنە پشتەڤان بۆ وەرزشا پارێزگەهێ و هەموو وەرزشڤانان.
