سۆزیار خوسرەو: دخوازم پشکداریێ د قارەمانیێن نیڤدەولەتیدا بکەم
سولین سلێمان:
سوزیار خوسرەوە ئەو کچا کو تنێ ژیێ وێ شه‌ش سالە و د ڤی ژیێ بچووک دا ل دو قارەمانیێن سۆارچاكیێ بازدانێ شیایە پلا ئێکێ دەستخۆڤە بینیت.
سوزیار د دیدارەکێدا بۆ رۆژناما ئەڤرۆ گۆت: دو ساله ئەز د ناڤا ڤێ یاریێ دامە و خێزانا من هەسپێ به‌ریكانا بۆ من کری گەلەک پێ کەیفخۆش بووم چنکی هەسپێ من ژی ژیێ وی هەر هندی منە و ناڤێ وی بەهێزە.
سوزیار ژبلی کۆ یاریزانەکا زیرەکە مەلەڤانەکا زۆر باش ژی وەکو ئەو بخوه دبێژیت هەفتیێ ئێک جار دچیتە مەلەڤانیان و خێزانا وێ گەلەک هاریکارن دگەل سوزیارێ چنکی ئەو د بنەمالە دا سۆارچاكیێ دکەن سوهەیبێ برایێ وێژی گەلەک پشتەڤانیا سوزیارا خوشکا خوە دکەت هەر ئەو بخوژی وێ دبەتە راهێنانێن هەسپسواریێ.
سوزیارێ دەربارێ نووترین پشکدارییا وێ د قارەمانیێن سۆراچاكپیێ گۆت: ل 23 ی ڤێ مەهێ قارەمانیەکا بازدانا سەر بەربەرستی ل یانه‌یا نیڤدەولەتیا هەولێرێ دێ هێتە ئەنجام دان ئەز ل وێرێ یا پشکدارم وهیڤیدارم بشێم وەکی جارێن دی پلێن ئێکی دەستڤەبینم، چنکی هیڤیا من ئەوە بشێم ل قارەمانیێن نیڤدەولەتی دا ژی پشکدارببم.
