سیستەمێ خۆسەپاندنێ بوویە كولتوور د ناڤ پارتێن ئوپۆزسیۆنێ دا
ئازاد دۆسكی/ نەمسا ـ ڤییەنا
پارتی دیموكراتی كوردستان ژ رویێ مێژوویی و سیاسی و دیروكی ڤە جهێ باوەریا خەلكەكی یە، دەنگدەر نەك بتنێ ل سەر ئاستێ بەربژاری پشكداریێ د پرۆسێسا هەلبژارتنان دا دكەن و دەنگێ خۆ ب ئازادانە ددەن، بەروڤاژی ڤێ چەندێ ئەو بەگراوندێ پارتی دیموكراتی كوردستان و ئەو مێژوویا دور و درێژا ٧٩ سالێن پڕی خزمەت و خەبات و تێكوشان و خو نە چەماندن و بەرخودانا بێ راوستیان و هەر دیسان سیاسەتا ڕاست و دڕوستا سەركردە و ڕابەر و ڕێ نیشاندەرێ مە (سەرۆك بارزانی) بوویە جهێ باوەریا خەلكەكی كو دەنگدەر دەنگ ب لیستا پارتی دیموكراتی كوردستان بدەت، هەر دیسان ئەگەر بەحس ل خالەكا دی یا گرنگا پارتی دیموكراتی كوردستان بكەین، دێ بینین ساڵ لدویڤ سالێ و خۆل لدویڤ خۆلێ چ ل هەلبژارتنێن پەرلەمانێ كوردستانێ بن یان ل هەلبژارتنێن ئەنجوومەنێ نوونەرێن ئیراقێ بن، سەركردایەتیا پارتی دیموكراتی كوردستان دەرفەتەكا باش ب ئەندامێن خۆ یێن نویی و گەنجان ددەت و وان بەرێزان دئێخنە بەر ئەزمۆنەكا نوی یا سیاسی كو بشێن خزمەتا گەل و وەلات و خاك و ئالایێ پیرۆزێ كوردستانێ بكەن، نەك وەك هندەك پارتێن دی یێن سیاسی بتنێ هندەك كەسان مافێ بەربژاركرنێ هەیە و ئەڤە بۆ چەندین سالە هەر ئەو سەر و چاڤ ل پێش چاڤێن خەلكەكی نە، ل ڤێرێ دیار دبیت یان ئەندامێن وان پارتێن سیاسی ژ هەژی هندێ نینن كو پارتێن وان یێن سیاسی وان بەربژێر كەن و پشتەڤانیێ لێ بكەن یانژی سیستەمێ خۆ سەپاندنێ بوویە كولتوور د ناڤ وان پارتان دا و وان كەسان دڤێت، تنێ مەیدان بۆ وان بیت. لەوڕا دبێژین و داخواز ژ دەنگدەرێن هێژا دكەیین زۆر ب هوشیاری قەستا سەر سندۆقێن دەنگدانێ بكەن و دەنگ ب وێ لیستا خودان خزمەت و بەرخۆدان و قوربانیدان بدەن، ژبۆ هندێ كو كوردستان خۆڕاگر و پاراستی و بهێز و ئاڤەدان بمینیت داخواز ژ خەلكێ شەڕفمەندێ كوردستانێ دكەین دەنگ ب لیستا ٢٧٥ لیستا پارتی دیموكراتی كوردستان بدەن.
