سیناتۆرێن ئەمریکی داخوازەکێ ژ ترامپی دکەن
چەندین سیناتۆرێن ئەمریکی داخواز ژ دۆنالد ترامپی دکەن کو سەبارەت ب هێزێن ئەمریکا یێن ل سووریێ چو بریارێن شاش نەدەت، چونکی نها رەوشەکا گەلەک نوو و ئالۆز ل رۆژهەلاتا ناڤین هەیە، ب تایبەتی ژی ل سووریێ رەوشەکا گەلەک جودا هەیە و نها ل سووریێ رژێما ئەسەدی نەمایە، ئیران و رۆسیا ژی ل وێرێ نینن و ئەو یەک ژ بۆ ئەمریکا گەلەک گرنگە، هەکە ئەمریکا بڤێت پێگەهێ خوە ل رۆژهەلاتا ناڤین بهێز بکەت دڤێت هێزێن ئەمریکا ل سووریێ بمینن.
سیناتۆرێن ئەمریکا داخواز ژ ترامپی دکەن بلا هێزێن زێدەتر ژی رەوانەی سووریێ بکەت و پتر ژ جاران ژی هاریکاریا هێزێن سووریا دیموکرات بکەت، چونکی نابیت تورکیا ل سووریێ ببیتە هێزا هەری کاریگەر و هەروەسا مەترسیا داعشێ ژی ل سووریێ هەیە و ژ بەر ڤێ یەکێ دڤێت هێزێن ئەمریکا ل سووریێ بمینن.
