سی ئێن ئێن: ئەمریکا دێ ھێزێن زێدەتر بۆ عیراقێ ڤرێکەت
ئەڤرۆ:
کەنالێ سی ئێن ئێن یێ ئەمریکی ل سەر زارێ ژێدەرێن وەزارەتا بەرگریا ئەمریکی بەلاڤکر، ئیدارا ئەمریکی بەرھەڤی دیارکریە بۆ ھنارتنا ھێزێن زێدەتر بۆ عیراقێ.
وی کەنالی ژ زاردەڤێ جیسیکا ماکنولتی، پەیڤدارا وەزارەتا بەرگریا ئەمریکی (بنتاگۆن) بەلاڤکر” واشنتۆن بەرھەڤیا خوە دیارکریە د چارچۆڤێ ھنارتنا ھێزێن ناتۆ دا، پشکەکا ھێزێن ناتۆ کو دێ زڤرن بۆ عیراقێ ژ رێزێن لەشکرێ ئەمریکی بیت و دچارچۆڤێ ئەرکێن ناتۆ دا ل عیراقێ رۆلێ خوە بگێرن و بھێنە بەلاڤەکرن”.
ژ ئەنجامێ بریارا سەرۆکێ ئەمریکی یێ بەرێ دۆنالد ترامپ، نوکە دو ھزار و ٥٠٠ سەربازێن ئەمریکی ل عیراقێ یێن ھەین و ب ھنارتنا ھێزێن ناتۆ بۆ دەڤەرێن جودا جودا یێن عیراقێ، ناھێتە زانین کاە ژمارا ھێزان دێ بۆ چەندێ بلند بیت”.
ئەو گاڤێن ئەمریکا د دەمەکی دانە کو میلیشیێن چەکدار ب دەستپێشحەریا ئیرانێ شەر دژی ھێزێن ئەمریکی ل عیراقێ راگەھاندیە و پێشتر ب رێیا نوونەرێن خوە ل جڤاتا نوونەران، ب فەرمی بریارا دەرکرنا ھێزێن ئەمریکی ژ عیراقێ ژلایێ جڤاتا نوونەران ڤە دەرکر کو ھەتا نوکە ئەو بریار نەچوویە د وارێ بجھئینانێ دا”.
