سێمێلێ ستاڤەكێ نوو یێ راهێنانێ دانا و پشتەڤانی بۆ لیستەیا 190 دۆپاتكر
شاهۆ فەرید:
ب فەرمی كارگێرییا یانەیا سێمێلێ ستافەكێ نوو یێ راهێنەران ژ كوڕێن پارێزگەها دهۆكێ دانا خوە بەرهەڤكرن بۆ وەرزێ نوو 2024- 2025ێ یێ خولا پلا ئێكا كوردستانێ ئەوا چاڤەڕێ یە هەڤڕكیێن وێ ل 15ێ كانوونا ئێكێ یا بهێت دەستپێبكەت.
د داخویانیەكێ دا پەروەر حسێن جێگرێ سەروكێ یانەیا سێمێلێ بۆ رۆژنامەیا ئەڤرۆ دیاركر: ب فەرمی هەر ئێك ژ ئاشتی موستەفا وەكو راهێنەر و هەرمان سالح هاریكارێ راهێنەری و دلوڤان تێجر راهێنەرێ گۆلپارێزان ستاڤێ نوو بۆ تیما مە یا فوتبۆلێ هاتنە دەستنیشانكرن خوە بەرهەڤكرن بۆ وەرزێ نوو یا خولا پلا ئێكا كوردستانێ، ئەڤ چەندە ژی هات ژبەر كو ئەوانا پتر شارەزاهی د ناڤا خولا كوردستانێ دا یا هەی چونكو خەلكێ پارێزگەهێ نە و خودان سەربۆرن و شارەزایەكا باش یا هەیی گەشبینن دێ مفایی ژێ وەرگرینە و گەهینە ئارمانج خوە، گرێبەست دێ بۆ ماوەیێ سالەكێ بیت، هەموو بزاڤان دكەین ئەڤی وەرزی هەڤركیێ بۆ ب دەستڤەئینانا پلێتا دەربازبوونێ بكەین و دێ پلانا مە یا وەرزێ نوو جواد بیت.
هەروەسان ناڤهاتی گۆت: هەر یاریزانەكێ خودان شیان و ئەزموون بیت خزمەتا تیمێ دابیت دێ گرێبەستێ دگەل گرێدەین، پێنەڤێت ل دووڤ پێدڤییا تیمێ دێ یاریزانێ پیشەكار و هەرە باش پەیدا كەین، پلانا مە یا سەرەكی ئەوە ب هەموو شێوەیان سەربكەڤینە خولا پلا نایاب، لدووڤ بەرنامەیێ لەقا ئێك دێ پالپشتیەكا باش ژلایێ حكومەتێ بۆ مە هێتەكرن، هەرچەندە سەركەفتن بۆ پلا نایاب ژ سەرجەمێ 18 یانەیان ب زەحمەتە ژبەر كو دێ بتنێ دو سەركەڤن و ئەركێ مە ب ساناهی نابیت، ئەڤی وەرزی دێ بارێ دارایی باشتر بیت و كێماسی تا ڕادەكی باش نابن.
ژلایەكێ دووڤە پەروەری ئەو چەندە ژی گۆت: هندی بینین و ئەڤە چەندین سالە خودانێن لیستا 190 خولمە كرییە خودان و دێ هەموو هێز و شیانێن خوە پالپشتیێ لیستێ كەین و ئەم بخودانێن خوە دزانین، وەكو قەزا سێمێلێ هەردەم یەكە بۆ سەر ئێخستنا لیستا پارتی دیموكراتی كوردستان نەخاسمە ئەڤان هەلبژارتنا ب گیان و جانێ خوە پالپشتیێ لیستێ و كاندیدێن پارتا خوە ینە، سەركەفتنا لیستا 190 دێ پالپشتی وەرزشا كوردستانێ كەن و وەكۆ كابینەیا بووری تایبەت كابینا نەهێ یا ب سەرۆكاتیا مەسرور بارزانی كو كەرتێ وەرزشی پێشكەفتنەكا باش ب خوەڤە دیتیە، گرنگیەكا زێدە دایە خول و قارەمانیان یانە و یاریزانیێن مە پشكداری چەندین قارەمانیێن دەرڤەیی بوویە، داخازیێ هەموو خەلكێ دهۆكێ تایبەت تەخا وەرزشێ قەستا سندوقێت دەنگدانێ بكەن و دەنگی بدەنە لیستا 190 بۆ سەركەفتنا پارتی دیموكراتی كوردستان.
