سێ كچێن پارێزگەهێ بۆ هەلبژارتیێ ئیراقێ هاتینە داخواز كرن
ئەڤرۆ
قەیس وەیس:
راهێنەرا ئیرانی و هەلبژارتیا ئیراقێ میترا شەعبانیان 25 یاریزانێن كچ بۆ كەمپێ هەلبژارتیێ ئیراقێ یێ یاریا ڤۆلی بۆلێ داخوازكرینە ژوانا سێ یاریزانێن پارێزگەها دهۆكێ و یانەیا سەنحاریب، ئەوێن دێ بەرهەڤیان بۆ قارەمانیا عەرەبی كەن بڕیارە هەڤڕكیێن وێ ل دەستپێكا ئەیارا بهێت وەلاتێ كوێتێ مێڤانداریا وێ بكەت.
ل دووڤ لیستا هاتیە بەلاڤكرن یاریزانێن كچ یێن یانەیێن هەرێما كوردستانێ پشكەكا مەزن د ناڤ دانە ئەو ژی سێ ژ یانەیا سەنحاریب پێكهاتینە ژ ئاتا داوود رەبەن، هیرۆ جەمیل حەمید و هێلین عوسمان عومەر، دیسان هەشت یاریزانێن یانەیا ئەكاد، چار یێن یانەیا ئاڤرۆدێت، و هەر ئێك ژ یانەیێن دەربەندیخان و كۆیە كو د نوكە دا لبن تاقیكرنێن دووماهیێ نە ژبۆ ڤاڤارتنا هەلبژارتیێ ئیراقێ یێ سەرەكی دبنە 16 یاریزان و یێن مایی بۆ تیما دویێ هێنە بەرهەڤكرن ئەوا نوكە راهێنانێن وان ل هۆلا ئەكاد عەنكاوە دهێنە ئەنجامدان.
ل دووڤ ژێدەرێن نێزیك یێن هەلبژارتیێ ئیراقێ یاریزانێن پارێزگەهێ و یانەیا سەنحاریب دێ شێن جهێ خوە د ناڤ هەلبژارتیێ ئیراقێ یێ ئێكێ دا كەن ژبەر ئاست و شیانێن وان و ئەو جهێ یاریێ دكەن راهێنەر پێدڤی پێ هەیە.
