سێ یانەیێن ئنگلتەرایێ ل دۆر بەژنا سانێ د زڤڕن
راپۆرتێن رۆژنامەڤانی ل وەلاتێ ئەلمانی و ئنگلتەرا دەنگۆباسێ هەبوونا بزاڤێن سێ یانەیێن ئنگلتەرایێ پشتراست كرینە، پێخەمەت ڕازیكرنا ستێرێ ئەلمانی و یانەیا بایرن میۆنخ لیرۆی سانی بۆ گرێدانا هەڤبەستێ و یانەیا وی داخوازا نووكرنێ دكەت، ئەوێ دێ گرێبەستا وی هەتا دووماهییا ڤی وەرزی ب دووماهی هێت.
رۆژنامەیا سكای سپۆرت بابەت پشتراست كرییە كو هەر سێ یانەیێن ئارسنال، چێلس و تۆتنهام یێن ئنگلتەرایێ سێ گرێبەستێن جودا و هەر ئێك ل دووڤ ئۆفەرێن خوە یێن تایبەت بێ دیاركرن پێشكێشی ستێرێ گەنج یێ بایرن میۆنخ لیرۆی سانی كرینە ئەوێ چو بەرسڤ نە دایە و بەرانبەر ژی دا ئەو گرێبەست ڕەد نەكرییە.
ژلایێ خوەڤە رۆژنامەیا میرۆر یا بریتانی هەبوونا لڤینێن هەرسێ یانەیێن ئارسنال، چێلسی و تۆتنهام پشتراست كرییە و ئەوچەندە ژی دیار كرییە یانەیا بایرن میونخ ژ لیرۆی سانی خواستییە گرێبەستا خوە بۆ سێ سالێن دیتر زێدە بكەت ب مووچەیەكێ سالانە كو دگەهیتە دناڤبەرا 14- 15 ملیۆن یۆرۆیان د وەرزەكی دا، ئەڤ مووچە ب دلێ وە نەبوویە و خواستییە بهێتە زێدەكرن هەكەر نە ئەو نەچارە گرێبەستا ئێك ژ یانەیێن ئنگلتەرایێ قەبوولبكەت ب مووچەكێ بلندتر.
ژلایەكێ دووڤە رۆژنامەیا كیكێر یا ئەلمانی ژی ئەڤ پێنگاڤێن یانەیێن ئنگلتەرایێ پشتراست كرن و خۆیاكر سانی ژ دلگرانە ب كێمكرنا مووچەیێ وێ بۆ وەرزێ نوو لەوما ژی هەكە مووچەیێ وی نە هێتە زێدەكرن ئەو نەچارە گرێبەستێ ژ دەرڤەیی وەلاتێ ئەلمانییا دگەل یانەیەكێ ئیمزابكەت.
