سەركەفتنا یانەیا دهۆك سەركەفتنا كوردستانێ یە
زوهێر كۆرەماركی
پشتی كو ئەلهۆیێن دهۆكێ شیاین سەركەفتنەكا مەزن ل سەر یانەیا قادسیە یا كوۆتی تۆمار بكەن و جاما كەنداڤی بدەستخۆڤە بینن، پیرۆزە ل هەمی خەلكێ كوردستانێ ب گشتی و خەلكێ دهۆكێ بتایبەتی، هەر ئەڤە یا چاڤەرێكری ژ یانا دهۆكێ كو دهۆكێ ئەكەم ب گەلەك تشتان و ئەڤە ژی هاتە سەر، دهۆكا شەهیدان دهۆكا قارەمانان دهۆكا پێشمەگەی، هەوە سەلماند هوین زەلام و پێشمەرگێن تەنگاڤیانە و رۆژ بۆ رۆژێ دێ بەرەو پێشڤە چن و دێ دەستكەفێن باشتر هەژیتر بۆ دهۆكا رەنگین و جوان بدەست خۆڤە ئینن، چاڤێن مە هەرێ لسەر سەركەفتێن هەوە ئەم دزانینن هوین چ قارەمان مێرخاس و خەباتكەرنن و هوین باز و ئەلهۆنە چ ئاستەنگ خۆ ل بەر سینگێ ناگرن و هەر تم هوین خودانێن مزگینیێن مەزن و دلخۆشكەرن؟ سەركەفتنا هەوە مێژوویەكا پیرۆز و مەزن بۆ كورستانێ و دهۆكێ تۆماركر و ناڤێ دهۆكێ ل هەمی جیهانێ بلاڤكر. ئەم هەمی شانازیێ ب هەوە و سەركەفتنا هەوە دكەین ،دهۆك و دهۆكی بوونە دیرۆك و ل جیهانێ ناڤێ وان بەرز و بلند بوو دەستێ هەوە دگڤێشم و چاڤێ هەوە ماچی دكەم هەوە دیرۆكەكا زێرین تۆماركر.
سلاڤ
ئەڤەهاتن ئەلهۆنە ئەلهۆ
سەربلند و سەربەرزێن گەلێ خۆ
گۆڵ گۆڵ گۆڵ
بەرزو بلندكر ناڤێ یانا خۆ
….
هاتن ئەلهۆیێن ڤان چیا
ئەو كر یا مە هەمیان دڤییا
گۆڵ گۆڵ گۆڵ
ڤێجا رابن ڤەدەن تلیلیا
….
هاتن ئەلهۆ وەلات رێبازن
نێچیرڤانن شاهین و بازن
گۆڵ گۆڵ گۆڵ
چەند دمەزن و دسەرفرازن؟
…..
ئەڤ یاریكەرێن زیرەك و زانا
پلان بۆ چەند گۆڵەكا دانا
گۆڵ گۆڵ گۆڵ
هەوە پیرۆز بت گەلی پشتەڤانا
…..
چەند یاریەكا خۆش و جوانە؟
هەر یاریكەرەكێ مە ب چەندانە؟
گۆڵ گۆڵ گۆڵ
لێ گۆڵ كرن ب دانا پاسانە
ئەڤە هاتن ئەلهۆیێن دهۆكێ
چ خۆش نێچیر كەفتە شۆكێ
گۆڵ گۆڵ گۆڵ
ناڤێ خۆ تۆمار كر ل دیرۆكێ
…
ئەلهۆنە بەرز و بلند دفڕن
ستێركا خۆ ل نیشانێ دگرن
گۆڵ گۆڵ گۆڵ
ئارمانجا خۆش باش دگرن
…
دهۆكینە نەرم و نۆڵن
خودان گۆڵە یان دو گۆڵن
گۆڵ گۆڵ گۆڵ
خەباتكەرن خودان تۆڵن
…
هاتن ئەلهۆ ب مزگینی ڤە
سەركەفتنا وان زێر و زویڤە
گۆڵ گۆڵ گۆڵ گۆڵ
هەرن ماچیكەنە پێڤە
…
دهۆكینە یاری زانن
نەخشەو پلانا ددان
گۆڵ گۆڵ گۆڵ
رابن گوڤەندا بۆ دانن
